སྙན་རྩོམ་ཐོར་བུའི་སྐོར། བདུན་པ།
བདུན་པ།
ཤེས་བརྩོན་ཐོས་པ་ཅན་གྱི་ཉམ་ཆུང་གི་ཁ་སྟབས། །
བླུན་པོ་ནོར་རྐྱལ་ཁུར་བའི་དབང་ཤེད་ཀྱིས་བཅོམ་སྟེ། །
ཆོས་མཐུན་བཀུར་སྟིའི་བཞུགས་གྲལ་གོ་ལོག་ཏུ་བསྡེབས་
278
མཁས་དབང་དགེ་འདུན་ཆོས་འཕེལ་གྱི་གསུང་རྩོམ་ཕྱོགས་བསྡུས།
ནས། །
སེང་གེ་ཁྱི་ཡི་གཡོག་ཏུ་འགྱུར་ཚུལ་འདི་སྐྱོ་བ། །
མི་བསྲུན་བརླང་པོར་སྤྱོད་པའི་སྐྱེ་བོ་ལ། །
མགོ་བོ་གཅོད་པའི་ཁྲིམས་ལུགས་མ་མཛད་ནས། །
སྙིང་རྗེའི་ལམ་ནས་ཚུལ་དེ་ལྡོག་པ་ལ། །
དམྱལ་བའི་སྡུག་བསྔལ་བསྟན་ལས་ཐབས་གཞན་ཅི། །
མི་ཡི་རྗེ་བོ་མི་དཔོན་ཆེན་པའི་དྲུང་། །
མི་ཡི་མཐའ་མ་དགེ་འདུན་ཆོས་འཕེལ་གྱིས། །
མི་འཐུང་མི་འཐུང་ཨ་རག་མི་འཐུང་ཞེས། །
མི་དམངས་ཚོགས་པའི་དབུས་སུ་དམ་བཅའ་འབུལ། །