སྐབས་བདུན་པ།
༈ བྱེད་གྲུབ་སོ་སོའི་ནག་ཟླའམ། །བཤོལ་རྗེས་དབོ་ཟླའི་མདའ་རོའི་ལྷག །༦རོས་བསྒྱུར་༡༣འདོད་བགོས་ལྷག་ལུས་ན། །ནོར་ལ་༡གཟུགས་བསྣན་རགས་ཟིན་སྟོན། །ཡང་ན་སྔ་ལོའི་རགས་ཟིན་ལ། །༡༡དྲག་བསྣན་ཉི་རགས་སྟོང་པའི་ཕྱི་ལོ་བཅུ་གཉིས་བསྣན་དགོས། མཆན།ཕྱི་ལོའི་རགས་ཟིན་འཆར། །དེར་མཐུན་ཟླ་བའི་ཉི་དྷྲུ་ལ། །གང་ཟིན་ཚེས་དེའི་ཉི་བར་བྱ། །སྐར་༠ཐིག་དབྱུག་༤མཚོ་ཚུན་ཤར་ཚེ། ༠ ༤།གཟའ་དྷྲུར་ཉིན་དེའི་གཟའ་བར་བསྒྲུབ།གཟའ་རགས་ཀྱི་ཆ་ཤས་ཤེད་སྙོམས་བྱས་ལ་གནས་དྲུག་བྱ། མཆན། །ལོ་དེའི་གཟའ་ཉི་རགས་པ་འགྲུབ། །ཉི་རགས་དབྱུག་སྲང་དབུགས་རིམ་བཞིན། །༦༠མཁའ་རོ་༦དུས་དང་༦༧ཆ་ཡིས་༡༣གསིལ། །མ་ནོར་སྲང་དབུགས་ཆ་རིམ་བསྣན། །༡༣༥མདའ་ཡོན་ཟླས་ཐོབ་སྲང་དབུགས་ཆ། །གྲུབ་པར་ལྷག་༠མེད་བྱེད་ལྷག་བཅས། །གསུམ་བཀོད་༡ཟླ་༤ཆུ་༦དུས་ཀྱིས་སྤེལ། །བྱེད་པར་ལྷག་༡༣བསྒྱུར་༡༣༥མདའ་འདོད་ཀྱིས། །རྙེད་པ་འདོད་ཆར་བསྲེ་འཁོར་བསྒྲིལ། །ཟླ་ཆུ་དུས་འབྲས་འཁྲུལ་མེད་གྲུབ། །རགས་གཉིས་དྲུག་བཀོད་ཁ་བྱང་འབྲི། །ལུག་དང་བུ་མོར་ཟླ་འབྲས་དམན། །ཉ་སྲང་ལ་བྱིན་གླང་སེང་ལ། །ཆུ་འབྲས་ཕྲི་ཞིང་བུམ་སྡིག་བརྒྱན། །འཁྲིག་ཀར་དུས་འབྲས་འཕྲོག་ཆུ་གཞུར། །བསྣན་པས་ཁྱིམ་དྲུག་སྤྱི་ནོར་འགྲུབ། །འདས་ཟླ་ ༣༠ཐིག་མེས་བསྒྱུར་ཚེས་བསྲེ། །རགས་ཟིན་ཕྲི་ལྷག་བསྐལ་ལི་བཟུང་། །གཟའ་ཉིར་ཁྱིམ་མཐུན་ཕྱི་ནོར་བསྣན། །རིལ་པོར་ཚེས་བྱིན་༡༤ཆུ་ཟླས་བགོ། །རྙེད་པ་སྣོན་འབྲིད་མཚན་མ་སྟེ། །ལྷག་དེས་ཆ་ཤས་ཀྱིས་ཟིན་པའི། །བྱ་ར་བཟུང་ལ་ཕྱེད་དག་གཟར། །ཆ་ཤས་རེའུ་མིག་ནོར་མཉམ་བྱིན། །མི་མཉམ་ཕྲི་བས་རེས་གཟའ་དག །ཟླ་སྐར་སྦྱོར་བྱེད་སྔར་ལྟར་བྱ། །དེས་ཀྱང་ལྔ་བསྡུས་ཚེགས་མེད་རྟོགས། །དཔལ་དུས་ཀྱི་འཁོར་ལོའི་རྩིས་ཀྱི་མན་ངག་ཉེར་མཁོའི་ལག་ལེན་ཉུང་ངུ་རྣམ་གསལ་ཞེས་བྱ་བ་ལས། ལྔ་བསྡུས་མྱུར་རྩིས་བཤད་པའི་སྐབས་ཏེ་བདུན་པའོ།།