ཀློང་སྙིང་རྩ་གསུམ་ལས་བྱང་གང་ལའང་སྦྱར་རུང་བའི་བདུད་རྩི་སྨན་གྱི་བརྒྱུད་མཆོད།
ཀློང་སྙིང་རྩ་གསུམ་ལས་བྱང་གང་ལའང་སྦྱར་རུང་བའི་བདུད་རྩི་སྨན་གྱི་བརྒྱུད་མཆོད་ནི། རྡོ་རྗེའི་དམ་ཚིག་རྨད་པོ་ཆེ། །རྩ་བརྒྱད་སྟོང་ལ་སྦྱར་བའི་བདུད། །རྒྱུད་དྲུག་སྡུག་བསྔལ་འཇོམས་པའི་རྩི། །རིགས་ལྔ་ཡེ་ཤེས་ལྔ་ཡི་དངོས། །ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་ཧཱུྃ་ཧྲི་ཨྰཿ དང་པོའི་སངས་རྒྱས་ཆོས་སྐུ་ཀུན་ཏུ་བཟང་། །ལོངས་སྐུ་ཆུ་ཟླའི་རོལ་རྩལ་རྡོ་རྗེ་སེམས། །སྤྲུལ་སྐུར་མཚན་རྫོགས་དགའ་རབ་རྡོ་རྗེ་ལ། མྱོང་གྲོལ་བདུད་རྩི་སྨན་གྱི་མཆོད་པ་འབུལ། །སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི། །ཤྲཱི་སིདྷ་དོན་དམ་ཆོས་ཀྱི་མཛོད། །འཇམ་དཔལ་བཤེས་གཉེན་ཐེག་དགུའི་འཁོར་ལོས་ང། །ཛྙཱ་ན་སུ་ཏྲ་པཎ་ཆེན་བི་མ་ལར། །མྱོང་གྲོལ་བདུད་རྩི་སྨན་གྱི་མཆོད་པ་འབུལ། །སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི། །འཛམ་བུ་གླིང་གི་རྒྱན་
གཅིག་པདྨ་འབྱུང་། །ངེས་པར་ཐུགས་ཀྱི་སྲས་མཆོག་རྗེ་འབངས་གྲོགས། །ཐུགས་གཏེར་རྒྱ་མཚོའི་བརྡ་འགྲོལ་ཀློང་ཆེན་ཞབས། །མྱོང་གྲོལ་བདུད་རྩི་སྨན་གྱི་མཆོད་པ་འབུལ། །སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི། །མཁའ་འགྲོའི་དབྱིངས་མཛོད་བཀའ་བབ་འཇིགས་མེད་གླིང་། །ཆོས་ཀྱི་བདག་པོ་ཀུན་བཟང་གཞན་ཕན་ཞབས། །སྤྱན་རས་གཟིགས་དབང་རྒྱལ་བའིམྱུ་གུ་ལ། །མྱོང་གྲོལ་བདུད་རྩི་སྨན་གྱི་མཆོད་པ་འབུལ། །སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི། །བཀའ་བབ་བདུན་ལྡན་པདྨ་མདོ་སྔགས་གླིང་། །སེམས་དཔའ་ཆེན་པོ་འཇིགས་མེད་ཆོས་ཀྱི་དབང་། །གནས་ལུགས་མངོན་གཟིགས་བསྟན་པའི་ཉི་མ་ལ། །མྱོང་གྲོལ་བདུད་རྩི་སྨན་གྱི་མཆོད་པ་འབུལ། །སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི། །ཟབ་གསང་སྙིང་ཐིག་བཀའ་བབ་ལས་འབྲེལ་རྩལ།
བརྒྱུད་སྲོལ་ཀུན་འདུས་རིགས་རྣམས་ཀུན་གྱི་བདག །འཁོར་ལོའི་དབང་ཕྱུག་དཔལ་ལྡན་བླ་མ་ལ། །འཁོར་ལོའི་དབང་ཕྱུག་དཔལ་ལྡན་བླ་མ་ལ། །མྱོང་གྲོལ་བདུད་རྩི་སྨན་གྱི་མཆོད་པ་འབུལ། །སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི། །རིག་འཛིན་འདུས་པ་བླ་མའི་དཀྱིལ་འཁོར་དང་། །དངོས་གྲུབ་རྩ་བ་ཡི་དམ་ཞི་ཁྲོའི་ལྷ། །བར་ཆད་སེལ་མཛད་མཁའ་འགྲོ་དམ་ཅན་ལ། མྱོང་གྲོལ་བདུད་རྩི་སྨན་གྱི་མཆོད་པ་འབུལ། །སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི། །བདུད་རྩི་ ི སྙིང་པོ་ཅན་གྱི་དབུས། །སངས་རྒྱས་ཀུན་གྱི་སྐུ་གསུང་ཐུགས། །ཡི་གེ་གསུམ་གྱི་རྣམ་པ་ཅན། །དམ་ཚིག་ཕྱག་རྒྱ་གཉན་པོས་བླང་། །ཀཱ་ཡ་སིདྡྷི་ཨོཾ ཝཱ་ཀ་སིདྡྷི་ཨཱཿ ཙིཏྟ་སིདྡྷི་ཧཱུྃ ཞེས་མཐེབ་སྲིན་ཉི་ཟླའི་གའུས་བླང་ངོ་། །ཞེས་པའང་སྤྲོས་པ་ལ་དགའ་བའི་སྐབས་འགར་ཉེ་བར་མཁོ་བས་མཚམས་སྦྱར་ཏེ་བྱ་བྲལ་
བུདྡྷས་རྩ་བའི་གཞུང་དང་མི་འགལ་བར་བྲིས་པའོ།།