བླ་མ་དྲག་པོ་རྟ་ཁྱུང་འབར་བའི་རྒྱུན་ཁྱེར་སྙིང་པོར་དྲིལ་བ།
བླ་མ་དྲག་པོ་རྟ་ཁྱུང་འབར་བའི་རྒྱུན་ཁྱེར་སྙིང་པོར་དྲིལ་བ་བཞུགས།།
ཨོཾ་སྭ་སྟི། དྲག་པོ་རྟ་ཁྱུང་གི་རྣལ་འབྱོར་རྒྱུན་གྱི་ཉམས་ལེན་སྤྲོས་པ་བསྡུས་ཏེ་བྱ་བར་འདོད་པས། སྦྱོར་བ་ནི། ཕྱོགས་བཅུའི་སྐྱབས་ཡུལ་ཐམས་ཅད་དྲག་པོ་རྟ་ཁྱུང་འབར་བའི་དཀྱིལ་འཁོར་གྱི་འཁོར་ལོའི་རྣམ་པར་བཛྲ་ས་མཱ་ཛཿས་སད་པ་ལ། ན་མཿ བདག་དང་མཐའ་ཡས་སེམས་ཅན་ཀུན༔ མཆོག་གསུམ་ངོ་བོ་བླ་མ་དང་༔ དྲག་པོ་རྟ་ཁྱུང་དཀྱིལ་འཁོར་ལ༔ སྙིང་ནས་
དད་པས་སྐྱབས་སུ་མཆི༔ ལན་གསུམ་གྱིས་སྐྱབས་སུ་འགྲོ། ཧོཿ དྲག་པོའི་དཀྱིལ་འཁོར་འདིར་ཞུགས་ཧོཿ ནས༔ ཕ་མ་འགྲོ་དྲུག་སེམས་ཅན་ཀུན༔ ཚད་མེད་སྙིང་རྗེས་སྒྲོལ་བའི་ཕྱིར༔ སྨོན་འཇུག་དོན་དམ་བྱང་སེམས་བསྐྱེདཿ༔ ལན་གསུམ་གྱིས་སེམས་བསྐྱེད། ཧོ༔ ཡེ་ཤེས་དབྱིངས་ལས་སྤྲུལ་པའི་ལྷར༔ ཕྱག་འཚལ་མཆོད་འབུལ་ཉེས་སྒྲིབ་བཤགསཿ
དགེ་ལ་ཡི་རང་ཆོས་འཁོར་བསྐུལ༔ རྟག་པར་བཞུགས་གསོལ་དགེ་ཚོགས་ཀུན༔ བླ་མེད་ཆོས་དབྱིངས་ཆེན་པོར་བསྔོ༔ ཞེས་ཚོགས་བསགས་མཐར། ཧཱུྃ་བཾ་ཧོཿས་སྐྱབས་ཡུལ་རྣམས་རང་ལ་ཐིམ་པར་བསམ། དངོས་གཞི་ནི། ཧྲཱིཿ རྣམ་ཐར་གསུམ་ལྡན་སྟོང་པ་ཉིད༔ མ་རྟོགས་འཁྲུལ་པའི་སེམས་ཅན་ལ༔ དམིགས་མེད་སྙིང་རྗེ་ཆེན་པོའི་གདངས༔ ནམ་མཁས་གར་ཁྱབ་པདྨ་འོདཿ༔ དུར་ཁྲོད་རོལ་པའི་གཞལ་མེད་ཁང་༔ རྣམ་པར་བྱང་་་བའི་ཆོས་རྣམས་རྫོགས༔ དེ་དབུས་པདྨ་ཉི་ཟླ་དང་༔ མ་རིག་ལས་གྱུར་རྟེན་འབྲེལ་གདོན༔ དུག་སྦྲལ་བཅུ་གཉིས་བསྣོལ་བའི་སྟེང་༔ རང་རིག་ཧྲཱིཿདམར་མོངས་གྱུར་ལས༔ འཇིགས་བྱེད་རྡོ་རྗེ་གྲོ་བོ་ལོད༔ ཞལ་གདངས་མཆེ་གཙིགས་ཞབས་གཉིས་བགྲད༔ སྐུ་མདོག་དམར་པོ་གསང་ཕོད་མཐིང་༔
སྟག་ཤམ་རུས་རྒྱན་ཐོད་ཕྲེང་བརྗིདཿ༔ ཐོད་སྐམ་དབུ་རྒྱན་རལ་པའི་གསེབ༔ རྟ་མགོ་ལྗང་ཞུར་ཁྱུང་གདོང་དམར༔ ཕྱག་གཡས་རྡོ་རྗེ་གཡོན་མེ་ཁྱུང་༔ བ་སྤུའི་བུ་ག་ཐམས་ཅད་ཀྱང་༔ ཁྱུང་གི་ཚ་ཚས་གཏམས་ཤིང་འཕྲོ༔ གནོད་བྱེད་སྡེ་བརྒྱད་ཐལ་བར་བརླག༔ ཡེ་ཤེས་མེ་དཔུང་ཀློང་ན་བརྗིདཿ༔ ཚོགས་བརྒྱད་ལས་གྱུར་མ་རིག་གདོན༔ ཀླུ་ཆེན་བརྒྱད་པོ་འདར་བཞིན་འདུད༔ གཙོ་བོའི་སྤྱི་མགྲིན་སྙིང་ག་རུ༔ དཔལ་སྐུ་དང་པདྨ་གསུང་༔ ཡང་དག་རྡོ་རྗེ་ཐོད་ཁྲག་འཛིན༔ སྐུ་གསུང་ཐུགས་ཀྱི་ཡི་གེས་མཚན༔ ཆོས་ཀྱི་ཕྱག་རྒྱའི་འོད་ཟེར་ལས༔ ཡེ་ཤེས་ཕྱག་རྒྱ་ཆེ༔ ལས་ཀྱི་ཕྱག་རྒྱ་བཞིས་དྲངས་ནས༔ དམ་ཚིག་ཕྱག་རྒྱར་དབྱེར་མེད་བསྟིམ༔ ཐུགས་ཀར་ཉི་དཀྱིལ་ཧཱུྃ་གི་མཐར༔ སྔགས་འམ་ལྷར་སྣང་
ཕྲེང་མགལ་མེ་བཞིན་དུ་འཁོར༔ འོད་ཟེར་མེ་སྟག་ལྟ་བུ་དང་༔ བྱུང་གི་ཚ་ཚས་ལོག་འདྲེན་བསྲེགསཿ༔ རྟ་སྐད་འཚེར་བས་སྟོང་གསུམ་གཡོ༔ སྣོད་བཅུད་སྦྱངས་ནས་རང་ལ་བསྟིམ༔ ལྷར་སྣང་ཕྱག་རྒྱ་ཆེན་པོའི་ངང་༔ ཨོཾ་ཨཱཿཧཱུྃ་མ་ཧཱ་གུ་རུ་ཨརྩིག་ནིརྩིག་ཧྲཱིཿཧཱུྃ་ཁྲོ་ཕཊཿ ཅེས་བཟླས་པ་བྱ། རྗེས ། ཐུན་གྱི་མཐར། ཧོ༔ ཆུ་ལས་ཆུ་བུར་རྡོལ་བ་བཞིན༔ རང་ལས་སྤྲུལ་པའི་དཀྱིལ་འཁོར་ལྷ༔ ཡེ་ཤེས་དབྱིངས་སུ་བཛྲ་མུ༔ རྗེས་ཐོབ་སྒྱུ་མའི་ལྷ་སྐུར་ལྡང་༔ ཞེས་བསྡུ་སྡང་བྱ། ཧོཿ དུས་གསུམ་བསགས་པའི་དགེ་རྩ་ཀུན༔ རྣམ་མཁྱེན་གདོད་མའི་རྒྱུ་རུ་བསྔོ༔ བདག་སོགས་འདུས་པར་བཅས་པ་རྣམས༔ ཚོམ་བུ་གཅིག་ཏུ་སངས་རྒྱས་ཤོག༔ ཅེས་བསྔོ་སྨོན་དང་། ཧཱུཾ སྒེག་དཔའ་འཇིགས་རུང་བླ་མ་དྲག་པོའི་སྐུ༔ དགོད་གཤེ་དྲག་
ཅེས་།ཞེས་ཉེར་མཁོ་ཁྱེར་བདེའི་སླད་དུ་བྱ་བྲལ་སངས་རྒྱས་རྡོ་རྗེས་གུ་རུའི་སྒྲུབ་གནས་བྲག་དམར་ཟངས་ཡག་ནམ་མཁའ་རྫོང་དུ་སྦྱར་བ་ཛ་།ཤུལ་རྟ་མཆོག་རོལ་པའི་གསུང་༔ སྙིང་རྗེ་རྔམ་ཞི་ཡེ་ཤེས་ཁྱུང་གི་ཐུགས༔ ལོག་འདྲེན་འདུལ་བའི་ལྷ་ཡི་བཀྲ་ཤིས་ཤོགཿ ཤེས་པ་བརྗོད་པས་མཚམས་སྦྱར་ཏེ་སྤྱོད་ལམ་ལ་འཇུག་གོ། པནྟུ། སརྦ་དཱ་མངྒ་ལཾ།།
ཤོག་སྟོང་།