ལེའུ་བཅུ་དྲུག་པ།
གཉིས་པ་ལམ་ཇི་ལྟར་སྒྲུབ་པའི་ཐབས་ལ་ལྔ་སྟེ། ཐུགས་རྒྱུད་བསྐུལ་བ་གསང་སྔགས་ཀྱི་དཀྱིལ་འཁོར། དམིགས་པའི་རྟེན་གཟུགས་བརྙན་གྱི་དཀྱིལ་འཁོར། ཇི་ལྟར་མཆོད་པའི་ཚུལ། དམ་ཚིག་གི་རིམ་པ། ཕྲིན་ལས་སྒྲུབ་པའོ། །དང་པོ་ལ་གསུམ་སྟེ། མདོར་བསྟན། རྒྱས་བཤད། མཇུག་བསྡུ་བའོ། །གཉིས་པ་ལ་ལྔ་སྟེ། གཙོ་བོ་ཡབ་ཡུམ། མ་མོ་བརྒྱད། ཕྲ་མེན་བརྒྱད། སྒོ་མ་བཞི། དབང་མོ་ཉེར་བརྒྱད་བསྐྱེད་པས་ལྷ་བསྐྱེད་པའི་སྔགས་དང་། ཡེ་ཤེས་སྤྱན་དྲངས་པའི་སྔགས་དང་། རིག་པའི་མེ་ཏོག་དོར་བའི་སྔགས་དང་། དངོས་གྲུབ་ཀྱི་དོན་དུ་གསོལ་བ་གདབ་པའི་སྔགས་དང་། (༡༡)ཕྲིན་ལས་ཀྱི་དོན་དུ་གཏོར་མ་སྦྱིན་པའི་སྔགས་སོ། །ལེའུ་བཅུ་དྲུག་པའོ།། །།