རྗེ་བཙུན་སྒྲོལ་མའི་གསོལ་འདེབས་ལྔ་བདོའི་འཇིགས་བརྒྱད་དབྱིངས་སྒྲོལ།
ཟབ་གསང་དགོངས་པའི་བརྡ་སྒྲོམ་ལསཿ རྗེ་བཙུན་སྒྲོལ་མའི་གསོལ་འདེབས་ལྔ་བདོའི་འཇིགས་བརྒྱད་དབྱིངས་སྒྲོལ་བཞུགསཿ ཨེ་མ་ཧོཿ གནས་མཆོག་གཡུ་ལོ་བཀོད་པའི་ཞིང་ཁམས་ནསཿ ཕྲིན་ལས་གཅིག་བསྡུས་རྗེ་བཙུན་སྒྲོལ་མའི་ཚོགསཿ དབྱིངས་ནས་སྐུར་བཞེངས་འཇིགས་བརྒྱད་འདུལ་སྐུར་བཞེངསཿ ཉེར་གཅིག་ལྷ་ཚོགས་གནས་འདིར་གཤེགས་ནས་ཀྱངཿ དུག་ལྔའི་འཚུབ་མནར་མ་རྒན་ཉམས་ཐག་འགྲོཿ ཚེ་འདིར་གསོལ་བཏབ་ནམ་ཞིག་མཁའ་བགྲོད་ཤོགཿ རང་སྣང་རྣམ་དག་ཟངས་མདོག་དཔལ་གྱི་རིཿ ཁྱད་པར་པད་འབྱུང་བརྩེ་བས་ལེགས་བསྐྱང་ནསཿ འགྲོ་ཀུན་རིགས་དྲུག་གནས་ནས་ད་དྲོངས་ཤིགཿ ས་མ་ཡཱཿ རྒྱ་རྒྱ་རྒྱཿ བརྡ་ཐིམཿ སྐུ་གསུང་ཐུགས་ཀྱི་རྒྱཿ ཅེས་ཁམས་གསུམ་འགྲོ་འདུལ་གླིང་པས་སོཿ