རྩོམ་ལན་འཕྲིན་ཐུང་རྐང་བརྒྱད་མ།

ཀུན་གྱི་མཐའ་རུ་ཉུལ་བའི་བྱ་བཏང་གི་སྤྱོད་པ།།
རྒྱལ་ཁམས་ཡངས་བའི་བླ་ན་མངོན་མཐོ་ཡི་གྲགས་སྙན།།
ཤུགས་འབྱུང་གླུ་ཡིས་བསྐུལ་བའི་བསྟོད་དབྱངས་དང་འགྲོག་ནས།།
བཀྲ་ཤིས་བྱེ་བའི་མེ་ཏོག་ཁྱེད་ཕྱོགས་ལ་བསྙིལ་ཡོང་།།
བསྟོད་ན་ཅི་དགའ་ཆོས་བརྒྱད་གདོན་འདྲེ་ཡི་གཡབ་མོ།།
སྨད་ན་བཟང་སྟེ་མཚང་འདོན་ཉམས་མྱོང་གི་བོགས་འབྱིན།།
རེ་དོགས་གཉིས་འཛིན་སེམས་ཀྱི་རྟོད་ཕུར་དེ་བཏོན་ན།།
རྒྱ་གྲོལ་ནམ་མཁའི་རྣལ་འབྱོར་གུ་ཡངས་ཀྱི་བློ་བདེ།།
རྫོགས་གྲྭ་ཞིག་གི་རྩོམ་ལན་དུ་བྲིས།།