Nitartha Digital Library
Tibetan
གཡུ་ཁོག་ཆོས་འབྱུང་གསར་བཅོས་མ།


   
   
  collapse section
   
   
   
   
  collapse section
  collapse section
   
   
   
   
   
  collapse section
  collapse section
  collapse section
   
   
   
   
  collapse section
   
   
   
དཔོན་རབས་བདུན་པ་གཡུ་སྲས་ཀརྨ་དབང་དྲག་ནི།
   
   
   
   
   
   
   
   
  collapse section
  collapse section
   
  collapse section
   
  collapse section
   
   
   
   
   
   
   
   
   
   
   
  collapse section
  collapse section
   
   
   
   
   
   
   
   
   
  collapse section
   
   
  collapse section
   
   
   
   
   
   
   
   
   
   
   
   
  collapse section
  collapse section
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
  collapse section
  collapse section
   
   
   
   
   
   
  collapse section
   
   
   
   
   
   
   
   
   
   
   
   
   
   
   
   
   
   
   
   


 
previousདཔོན་རབས་བདུན་པ་གཡུ་སྲས་ཀརྨ་དབང་དྲག་ནི། next

དཔོན་རབས་བདུན་པ་གཡུ་སྲས་ཀརྨ་དབང་དྲག་ནི།

གཡུ་དཔོན་བསོད་ནམས་དབང་འདུས་ཚང་གི་རུ་བ་གཡུ་སྟོད་དུ་ཡོད་དུས། ཁ་བ་བབས་ཡོད་པའི་ནང་མོ་ཞིག་ལ་དཔོན་ཚང་གི་སྦྲ་སྒོ་ནས་རྟ་པ་ཞིག་ཕྱིར་སོང་བའི་རྗེས་ཡོད་པས། ནང་མི་ཚོས་རྟ་རྗེས་དེད་ནས་གར་སོང་བརྟགས་པས་མདུན་ཆེན་ནང་བརྒྱུད་ནས་ཡུལ་ལྷ་རྡོ་རྗེ་གཡུ་ཁྲོམ་གྱི་གངས་ནང་དུ་རྗེས་ཟུག་ཡོད། དེའི་ཕྱི་ལོ་སྟེ་རབ་བྱུང་བཅུ་བཞི་པའི་མེ་སྟག་༼༡༨༦༦༽ལོར་སྲས་འདི་འཁྲུངས། རྡོ་རྗེ་གཡུ་ཁྲོམ་གྱི་འཕྲུལ་སྲས་སུ་གྲགས། ཁོང་ནི་གཞན་དང་མི་འདྲ་བའི་གཟུགས་དང་ལང་ཚོ་ལྡན་པ། སྐུ་ཤ་རྒྱས་ལ་སྐུ་བོང་ཆེ་བ་ཞིག་ཡིན། སྐུ་ནར་སོན་སྐབས་ཁོང་གིས་དམ་པའི་ཆོས་ཁོ་ན་མཛད་པར་མོས་ཀྱང་། མི་དབང་བསོད་ནམས་དབང་འདུས་འདས་རྗེས་གཡུ་ཁོག་སྡེ་འབངས་ཡོངས་ཀྱིས་ནན་ཞུས་ལྟར་དཔོན་རབས་བདུན་པའི་གོ་གནས་བཞེས། རྒྱལ་རོང་ཁྲོ་སྐྱབས་དཔོན་༼རྒྱལ་རབས་སོ་བདུན་པ་༽ཚེ་དབང་ནམ་མཁའི་སྲས་མོ་ཨ་འདེ་བཙུན་མོར་བསུས། ངག་རྒྱུན་དུ་གཡུ་ཁོག་དཔོན་ཚང་གིས་ཁྲོ་སྐྱབས་སྲས་མོའི་ནུ་ཆུའི་གསེར་རིན་ལ་མཛོ་བརྒྱ་ཐམ་པ་བྱིན་པར་བཤད། ཁྲོ་སྐྱབས་དང་གཡུ་ཁོག་གིས་ཕན་ཚུན་རམ་འདེགས་གང་མང་བྱས། དཔོན་འདིའི་རིང་ལ་ཞི་བདེ་དང་བག་ཕེབས་ཀྱིས་ཆོས་སྲིད་བསྐྱངས་པ་ལས། དྲག་པོ་དམག་གི་འཐབ་འཁྲུགས་སོགས་གཏན་ནས་མ་བྱུང་བར་གྲགས། སྡེ་དགོན་གཉིས་ལ་ཡར་རྒྱས་གོང་འཕེལ་རྒྱ་ཆེན་བྱུང་། འོན་ཀྱང་སྲིད་བཟུང་ནས་མི་ལོ་དྲུག་གི་རྗེས་སུ་སྐུ་གཤེགས། དེ་ཡང་ཁོང་གིས་ཆོས་མཛད་ན་སྐུ་ཚེ་དང་མཛད་པ་མཐའ་རུ་ཕྱིན་རྒྱུ་ཡིན་ཀྱང་། དེ་ལྟར་མ་བྱུང་བར་འཇིག་རྟེན་མཐུན་འཇུག་བྱས་ན་ཚེ་ལ་བར་ཆད་ཡོད་རྒྱུ་རེད་ཅེས་ནམ་རྒྱུན་གསུངས་པར་གྲགས།


previousདཔོན་རབས་བདུན་པ་གཡུ་སྲས་ཀརྨ་དབང་དྲག་ནི། next