ཆོས་སྟོན་པའི་སྡེ་ལ།
ཆོས་སྟོན་པའི་སྡེ་ལ།
མི་ན་པར་ཞེས་པ་ཐམས་ཅད་ལ་སྦྱར་ལ། ༨༣ འདུག་པ་ལ་འགྲེང་སྟེ་ཆོས་སྟོན་པ། ༼འགྲེང་པ་ལ་འདུག་སྟེ་ཆོས་སྟོན་པ།འདི་གཅིག་ཏུ་བགྲང་ནས་༡༠༡མ་བགྲང་ངོ། །༽༨༤ དེ་བཞིན་དུ་ཉལ་བ་ལ་འདུག་སྟེ། ༨༥ སྟན་དང་ས་ཕྱོགས་མཐོན་པོ་ལ་འདུག་པ་ལ་སྟན་སོགས་དམའ་བར་འདུག་སྟེ། ༨༦ སྟན་བཟང་པོར་འདུག་པ་ལ་ངན་པར་འདུག་སྟེ། ༨༧ མདུན་ནས་འགྲོ་བ་ལ་རྗེས་ནས་འགྲོ་སྟེ། ༨༨ ལམ་གྱི་དབུས་ནས་འགྲོ་བ་ལ་ལམ་གྱི་འགྲམ་ནས་འགྲོ་བ་སྟེ། ༨༩ མགོ་གོས་སོགས་ཀྱིས་གཡོགས་པ་དང༌། ༩༠ གོས་འདོམས་སྣང་བར་བརྫེས་པ། ༩༡ གོས་ཕྲག་པ་གཉིས་ཀར་གཟར་བ། ༩༢ ལག་གཉིས་གཉའ་བར་བསྣོལ་བ། ༩༣ ལག་པ་གཉིས་ལྟག་པར་བསྣོལ་བ། ༩༤ དོ་ཀར་ཅན་ཏེ་ཐོར་ཅོག་ཅན་ལ། ༩༥ ཞྭ་གྱོན་པ་ལ། ༩༦ མགོར་རིན་པོ་ཆེ་དང་དར་གྱི་ཅོད་པཎ་ཅན་ལ། ༩༧ མགོ་ལ་རིན་པོ་ཆེ་དང་མེ་ཏོག་གི་ཕྲེང་བ་ཅན་ལ། ༩༨རས་སོགས་ཀྱིས་ཐོད་དཀྲིས་པ་ལ། ༩༩ རྟ་དང་གླང་ཆེན་སོགས་ཞོན་པ་ལ། ༡༠༠ མདོ་ལི་ཁྱོགས་པ་ལ། ༡༠༡ དེ་དག་ལས་གཞན་པའི་བཞོན་པའི་སྟེང་ན་འདུག་པ་ལ། ༡༠༢ ལྷམ་གྱོན་པ་ལ། ༡༠༣ ལག་ན་གདུགས་དང༌། ༡༠༤ མཁར་བ་དང༌།༡༠༥མདུང་དང་འཕང་མདུང་སོགས་མཚོན་ཆ། ༡༠༦ རལ་གྲི། ༡༠༧ མདའ་གཞུ་སོགས་དགྲ་ཆ་ཐོགས་པ་ལ། ༡༠༨ ཁྲབ་སོགས་གོ་ཆ་གྱོན་པ་ལ་ཆོས་སྟོན་པ་སྟེ་སྡེ་ཚན་བདུན་པ་ལ་ཉེར་དྲུག་གོ །