ཁྲོ་བུ་ལོ་ཆེན་གྱི་གསུང་རབ་ལས་བྱུང་བའི་གྲུབ་པ་ཉེར་བདུན་གྱི་མཆོད་ཕྲེང་ཕྱག་རྒྱ་སོ་སོར་བྱེད་ན།
༈ ཁྲོ་བུ་ལོ་ཆེན་གྱི་གསུང་རབ་ལས་བྱུང་བའི་གྲུབ་པ་ཉེར་བདུན་གྱི་མཆོད་ཕྲེང་ཕྱག་རྒྱ་སོ་སོར་བྱེད་ན། རིན་ཆེན་ལྗོན་པ་ལ། ཐལ་མོ་ཁོང་
སྟོང་གུང་མོ་རྩེ་སྤྲད། སྲིན་ལག་པདྨ་ལྟར་ཁ་ཕྱེ། ལྷག་མ་ལོ་འདབ་ཀྱི་ཚུལ་དུ་བསྒྲེང་། དཔག་བསམ་ཤིང་ལ་ཐལ་མོ་མཐིལ་སྤྲད། སོར་མོའི་རྩེ་སྦྱར་བ་ཟླུམ་པོ་འབྲས་བུ་ལྟར་བྱ། བུམ་པ་བཟང་པོར། རྟགས་བརྒྱད་ཀྱི་བུམ་པའི་རྒྱ། བདུད་རྩི་ལ། གཡོན་པདྨ་ལྟར་ཁ་ཕྱེ། གཡས་པའི་མཐེབ་སྲིན་གྱིས་བདུད་རྩི་ལེན་ཚུལ་བྱ། པདྨའི་རྫིང་བུར། ཐལ་མོ་བརྐྱངས་པའི་སོར་མོ་རྩེ་བཀུག་པ་པདྨའི་རྫིང་བུ་ལྟར། འདོད་འཇོའི་བ་ལ། ཐལ་མོ་ཐད་ཀར་སོར་རྩེ་སྤྲད་པ་ཟླུམ་པོ། མཐེ་བོང་རྭ་ལྟར་བསྒྲེང་། རྟ་མཆོག་ལ། སྣ་བདུན་གྱི་རྟ་མཆོག་ལྟར། ནོར་བུ་ལ། སྣ་བདུན་གྱི་ནོར་བུ་ལྟར། །ཟློབཙུན་མོ་ལ། སྣ་བདུན་གྱི་བཙུན་མོ་ལྟར། མ་རྨོས་ལོ་ཏོག་ལ། ཐལ་མོ་བརྐྱངས་པའི་སོར་མོ་རྣམས་ཕྱོགས་གཅིག་ཏུ་བསྒྲེངས་པ་ལོ་ཏོག་གི་ཚུལ། སྐྱེད་མོས་ཚལ་ལ། ཐལ་མོ་མཉམ་པར་བརྐྱང་། ཨུ་དུམྦ་ར་ལ། པདྨའི་རྒྱ། རྫོགས་ལྡན་སྤྲིན་ལ། ནམ་མཁའ་མཛོད་རྒྱུ། ལྷུང་བཟེད་ལ། ཐལ་མོ་བརྐྱངས་ནས་མཛུབ་རྩེ་ཅུང་ཟད་བཀུག་པ་ལྷུང་བཟེད་འདེགས་པའི་རྒྱ། རལ་གྲི་ལ། གཡོན་ཁུ་ཚུར་སྙིང་ག །གཡས་ཁུ་ཚུར་གུང་མཛུབ་བསྒྲེངས་པ་རལ་གྲིའི་རྒྱ། རིལ་བུར། ཐལ་མོ་ཁ་ཕྱིར་བསྟན་ཏེ་བརྐྱངས་པའི་མཐེབ་མཛུབ་ཟླུམ་པོར་སྤྲད། རྐང་མགྱོགས་ལ། ཐལ་མོ་གཉིས་སྙིང་གའི་
ཐད་ནས་ཐུར་དུ་སྦུབས་ཏེ་བརྐྱངས་པ་མཆིལ་ལྷམ་གྱི་རྒྱ། མིག་སྨན་ལ། ཐལ་མོ་གཉིས་མཐེབ་མཛུབ་སྤྱད་པས་མིག་སྨན་བྱུགས་ཚུལ། བཅུད་ལེན། ཐལ་མོ་གཉིས་ནུ་མའི་ཐད་དུ་བརྐྱངས་ཏེ་མཐེབ་མཛུབ་སྦྱར་བ་བཅུད་ལེན་གྱི་སྣོད་འདེགས་ཚུལ། ཐོད་ལེ་ཀོར་ལ། གཡོན་ཁུ་ཚུར། གཡས་ཁུ་ཚུར་ལ་མཐེབ་མཛུབ་སྦྱར་བས་ཟླ་ཚེས་བྲི་ཚུལ། རྡོ་རྗེར། རྡོ་རྗེའི་རྒྱ། དུང་ལ། དུང་གི་རྒྱ། དོན་ཡོད་ཞགས་པར། མཐེབ་མཛུབ་སྦྱར་ནས་སྦྲེལ་བ་ཞགས་མིག་ལྟར། ཉི་མ་ལ། ཐལ་མོ་མཐིལ་སྦྱར། སོར་མོ་རྣམས་བསྒྲེངས་པ་ཉི་ཟེར་གྱི་རྒྱ། ཟླ་བར། ཐལ་མོ་ཁོང་སྟོང་ཟླུམ་པོ་ཟླ་བ་ལྟར་བྱ། གཏེར་ཆེན་པོར། ཐལ་མོ་སྙིང་གའི་ཐད་དུ་མཐིལ་ཟླུམ་པོར་སྦྱར། གུང་སྲིན་རྡོ་རྗེ་ཕྱི་བསྡམ་མཐའ་བཞི་ཐད་ཀ་དང་། མཐེ་བོང་སྟེང་དུ་བསྒྲེངས་པ་གཏེར་གྱི་སྒྲོམ་བུའི་རྒྱ། རིན་ཆེན་ལྕགས་ཀྱུར། གཡོན་ཁུ་ཚུར་སྙིང་ག །གཡས་ཁུ་ཚུར་ལས་མཛུབ་མོ་བརྐྱངས་ཏེ་རྩེ་བཀུག་པ་ཕྲག་པའི་ཐད་བསྐོར་བ་ལྕགས་ཀྱུས་འདེབས་པའི་རྒྱའོ། །དེ་སོ་སོར་ཐོག་མར་པད་ཀོར་གྱིས་གཞི་བླངས་ཏེ་སོ་སོའི་ཕྱག་རྒྱ་དང་། མཐར་སེ་གོལ་གཏོགས་པས་འཇོག་པའོ། །