ཞབས་དྲུང་རིན་པོ་ཆེར་ལེགས་འབུལ་གྱི་ཡི་གེ
༈ ཞབས་དྲུང་རིན་པོ་ཆེར་ལེགས་འབུལ་གྱི་ཡི་གེ རྨནྟིསུ་གཏནས་ལོ་དེ་སྤྱོདཱིཙྪན ཕྱི་མོ་མཉམ་པའི་སྡེབ་སྦྱོར་ལས་ཛཱཏིའི་འཕགས་མ་ཞེས་བྱ་བའི་པྲསཱརས་མཛེས་པར་བྱས་པའོ། །བསྒྲིབྷགྷོས། ཝཱཝིཊྛཙཱཡཱ བྱམས་པའི་བདུད་རྩིས་འགྲོ་ཀུན་ ༼འདིའི་ནང་རི་མོ་ཡོད།༽
ལ། །ཕན་བདེའི་དགའ་སྟོན་མཆོག་སྦྱིན་པ། །འཇམ་དཔལ་དབྱངས་དངོས་ས་གསུམ་ན། །གྲུགས་པའི་རྒྱལ་མཚན་རྒྱལ་གྱུར་ཅིག །ཞེས་དགེ་ལེགས་སུ་བྱ་བའི་ཚིག་གི་མེ་ཏོག་སྔོན་དུ་གཏོར་ནས། གུས་པ་ཆེན་པོའི་ཕྱག་དང་བཅས་ཏེ་ཞུ་བ། རིགས་དང་དཀྱིལ་འཁོར་རྒྱ་མཚོའི་ཁྱབ་བདག །སྐུ་བཞི་ཡེ་ཤེས་ལྔའི་ངོ་བོ། ལྷར་བཅས་བསྟན་འགྲོ་ཡོངས་ཀྱི་དཔལ་མགོན། སྐྱབས་གཅིག་བཀའ་དྲིན་མཉམ་མེད་རྣམ་འདྲེན་རྡོ་རྗེ་འཆང་ཆེན་པོ་གང་ཉིད། སྐྱབས་འོག་ཐ་ཤལ་པ་ཁོ་བོ་ཅག་གིས་གཉུག་མར་བསྟི་བའི་ཁང་བུར་ཞབས་ཀྱི་པདྨོ་བཀོད་ནས། བཅོམ་ལྡན་འདས་འཆི་མེད་མགོན་པོའི་དཀྱིལ་འཁོར་དུ་དབང་བསྐུར་བས་མཚོན་འབྲེལ་ཚད་དོན་ལྡན་གྱི་མཛད་པ་མཁའ་ཁྱབ་ཏུ་སྤྲོས་པའི་བཀའ་དྲིན་ནི་བྱང་ཆུབ་སྙིང་པོའི་བར་དུ་གཞལ་བྱས་དབེན་ནའང་། རེ་ཞིག་ཡིད་སྤྲུལ་གྱི་མཎྜལ་རྒྱ་ཆེར་བཀོད་པའི་མཚོན་བྱེད་དངོས་བཤམས་མདུན་སྟོང་མིན་ཙམ་དུ། བཀྲ་ཤིས་པའི་ལྷ་གོས་སོགས།