སྒྲོལ་དཀར་ཡིད་བཞིན་འཁོར་ལོ་བཀའ་བབས་དགུ་དང་ལྡན་པའི་རྗེས་གནང་གི་ལུང་བརྒྱུད།
སྒྲོལ་དཀར་ཡིད་བཞིན་འཁོར་ལོ་བཀའ་
བབས་དགུ་དང་ལྡན་པའི་རྗེས་གནང་གི་བརྒྱུད་པ་ལ་བཀའ་བབས་དང་པོ་ཇོ་བོ་ལུགས་ཀྱི་བརྒྱུད་པ་ནི། རྗེ་བཙུན་སྒྲོལ་མ། ངག་གི་དབང་ཕྱུགམགོན་པོ་གསེར་གླིང་པ། ཇོ་བོ་རྗེ་ཨ་ཏི་ཤ །འབྲོམ་སྟོན་པ། སྤྱན་སྔ་བ། བྱ་ཡུལ་བ་གཞོན་ནུ་འོད། དྭགས་པོ་ལྷ་རྗེ། བསོད་ནམས་རིན་ཅེན། ཞང་གསུམ་ཐོག་པ། ཞང་བཀའ་སྩལ་པ། བླ་མ་ལྷ། སློབ་དཔོན་རིན་ཅེན་བཟང་པོ། མཁན་ཆེན་བདེ་བ་དཔལ། བྱང་སེམས་བསོད་ནམས་གྲགས་པ། དཔལ་ལྡན་བླ་མ་དམ་པ་བསོད་ནམས་རྒྱལ་མཚན། འཇམ་དབྱངས་རིན་ཅེན་རྒྱལ་མཚན། མཁན་ཆེན་རྒྱལ་བ་ཕྱག་ན། ཀུན་བཟང་རྩེ་པ་བསོད་ནམས་རྒྱལ་མཚན། ཆག་ལོ་རིན་ཅེན་ཆོས་ཀྱི་རྒྱལ་པོ། ཁྲ་རི་བ་རིན་ཅེན་རྒྱལ་མཆོག །ཀུན་མཁྱེན་རྫོང་དཀར་བ་ཤེས་རབ་རྒྱལ་མཚན། འཇམ་དཔལ་དབྱངས་མཁྱེན་བརྩེའི་དབང་ཕྱུག །རྡོ་རྗེ་འཆང་དབང་ཕྱུག་རབ་བརྟན། བཀའ་དྲིན་མཉམ་མེད་མགོན་པོ་བསོད་ནམས་མཆོག་ལྡན། དེས་བདག་ཟ་ཧོར་བནྡེ་ལའོ། །ཡང་ན་མཁན་ཆེན་བདེ་བ་དཔལ་ནས། དཀའ་བཞི་བ་གྲགས་པ་གཞོན་ནུ། བུ་སྟོན་ཐམས་ཅད་མཁྱེན་པ། བླ་མ་དམ་པ་བསོད་ནམས་རྒྱལ་མཚན་མན་འདྲ། ཡང་ན་སྤྱན་སྔ་པ་ཆེན་པོ་ནས། དགེ་བཤེས་སྒྲེ་པ། སྒམ་པོ་བསོད་ནམས་རིན་ཅེན། ཕག་མོ་གྲུ་པ། ཉེ་གནས་སྟག་ལུང་ཐང་པ། བླ་མ་བ་ལམ་པ། སློབ་དཔོན་ཚལ་པ། སློབ་དཔོན་ཤཱཀྱ་གཞོན་ནུ། དོན་ཞགས་པ་སངས་རྒྱས་རིན་ཅེན། རྩེགས་པ་བསོད་ནམས་རྡོ་རྗེ། མ་ཏི་ཕ་ལ། གཙང་པ་བློ་བཟང་ཟེར་ཡང་སྐད་དོད་ལ་དཔགས་ན་བློ་གྲོས་བཟང་པོ་ཐོབ་པ་འདྲ། བླ་མ་རང་གྲོལ་ལྷུན་གྲུབ། མཚུངས་
མེད་ནམ་མཁའ་བློ་གྲོས། ཆག་ལོ་རིན་ཅེན་ཆོས་རྒྱལ་མན་འདྲ། ཡང་ན་སྒམ་པོ་པ་ནས། ལྷོ་ལ་ཡག་པ། སློབ་དཔོན་བརྟན་པ། སློབ་དཔོན་ཚལ་པ་བ། སློབ་དཔོན་ཤཱཀྱ་གཞོན་ནུ་མན་འདྲ། ཡང་ན་སློབ་དཔོན་ཤཱཀྱ་གཞོན་ནས་ཤངས་པ་གྲགས་པ་སེང་གེ །བླ་མ་མགོན་རྒྱལ་བ། མཁའ་སྤྱོད་དབང་པོ། འཁྲུལ་ཞིག་བསོད་ནམས་འབུམ། བླ་མ་རྒྱལ་མཚན། ཞྭ་དམར་བཞི་པ་སྤྱན་སྔ་ཐམས་ཅད་མཁྱེན་པ། ཆག་ལོ་མན་འདྲ། ཡང་ན་སྤྱན་སྔ་བ་ནས། བྱ་ཡུལ་བ་གཞོན་ནུ་འོད། དགེ་བཤེས་སླེ་ནག་པ། བཤེས་གཉེན་སྒྲེ་པ། དྭགས་པོ་ཟླ་འོད་གཞོན་ནུ་མན་འདྲ། ཡང་ན་ཟླ་འོད་གཞོན་ནུ་ནས། དུས་གསུམ་མཁྱེན་པ་ཆོས་ཀྱི་གྲགས་པ། ཁམས་པ་དབུ་སེ། ཁམས་པ་དབང་ཕྱུག་རྡོ་རྗེ། བླ་མ་དབང་ཕྱུག་སེང་གེ །ཁམས་པ་བྱ་བྲལ་བ། བླ་མ་ཤེས་རབ་གཞོན་ནུ། སྤྱན་སྔ་ཆོས་ཀྱི་རྒྱལ་པོ། དེ་གཉིས་ཀ་ལ་རི་ཁྲོད་པ་གཞོན་ནུ་རྒྱལ་མཚན། དེ་ནས་རས་ཆེན་གཞོན་ནུ་དཔལ། གྲུབ་ཆེན་སངས་རྒྱས་རིན་ཅེན། དེ་ལ་སྒོ་རུམ་པ་སངས་རྒྱས་རྒྱལ་མཚན་དང་ཀུན་དགའ་རྒྱ་མཚོ་གཉིས་ཀྱིས་གསན། གཉིས་ཀ་ནས་རྡོ་རྗེ་འཆང་སྒོ་རུམ་པ་ཀུན་དགའ་ལེགས་པ། འཇམ་དབྱངས་མཁྱེན་བརྩེའི་ཞབས་མན་འདྲ། ཡང་ན་ཆོས་རྗེ་བླ་མ་དམ་པ་ཡན་གོང་ལྟར་ལ། དེ་ནས་རི་ཁྲོད་པ་གཞོན་ནུ་རྒྱལ་མཚན་མན་གོང་བཞིན་ནོ། །ཡང་ན་བླ་མ་དམ་པ་ནས། བླ་ཆེན་ཀུན་དགའ་རྒྱལ་མཚན། འཇམ་དབྱངས་ནམ་མཁའ་རྒྱལ་མཚན། བདག་ཆེན་རྡོ་རྗེ་འཆང་བློ་གྲོས་རྒྱལ་མཚན། ཆོས་རྗེ་སངས་རྒྱས་དཔལ། རྗེ་བཙུན་སྒོ་རུམ་པ་མན་འདྲ། ཡང་ན་བདག་ཆེན་རྡོ་རྗེ་འཆང་ནས། རྗེ་བཙུན་
རྡོ་རིང་པ་ཆེན་པོ། ཚར་ཆེན་ཆོས་ཀྱི་རྒྱལ་པོ། འཇམ་དབྱངས་མཁྱེན་བརྩེ་མན་འདྲ། ཡང་ན་བླ་མ་དམ་པ་བསོད་ནམས་རྒྱལ་མཚན་ནས། ལོ་ཆེན་བྱང་ཆུབ་རྩེ་མོ། ལོ་ཆེན་གྲགས་པ་རྒྱལ་མཚན། བོ་དོང་པཎ་ཆེན་ཕྱོགས་ལས་རྣམ་རྒྱལ། སྟག་ལུང་ངག་དབང་གྲགས་པ། ཆོས་རྗེ་འཆི་མེད་དཔལ་བཟང་། མཁས་མཆོག་སངས་རྒྱས་ལྷུན་གྲུབ། བོ་དོང་སྔགས་རམ་པ་ཡོན་ཏན་རྒྱ་མཚོ། ཀུན་མཁྱེན་མཁྱེན་བརྩེ་མན་འདྲ། ཡང་ན་ཆག་ལོ་རིན་ཅེན་ཆོས་རྒྱལ་ནས། རྗེ་བཤེས་གཉེན་བཀྲ་ཤིས། གྲུབ་པའི་ཁྱུ་མཆོག་དགེ་སློང་ངག་དབང་རྣམ་རྒྱལ། འཇམ་དབྱངས་མཁྱེན་བརྩེ་མན་འདྲ། ཡང་ན་བླ་མ་དམ་པ་ནས། རྗེ་དཔལ་ལྡན་ཚུལ་ཁྲིམས། ཤར་བ་ཡེ་ཤེས་རྒྱལ་མཚན། རྗེ་ཀུན་དགའ་བཟང་པོ། རྒྱལ་ཚབ་ཀུན་དབང་། གློ་བོ་མཁན་ཆེན་ལེགས་འབྱུང་། རྗེ་ཀུན་དགའ་གྲོལ་མཆོག །འཇམ་དབྱངས་མཁྱེན་བརྩེ་མན་གོང་བཞིན་ནོ། །ཡང་ན་ངོར་ཆེན་ནས། མུས་ཆེན་སེམས་དཔའ་ཆེན་པོ། པཎ་ཆེན་ཆོས་རིན་དཔལ་བ། རྗེ་བློ་གྲོས་རྒྱ་མཚོ་ཐུགས་རྗེ་ཅན་རིན་ཅེན་བཟང་པོ། སྔགས་འཆང་ཀུན་དགའ་བསོད་ནམས། སྔགས་འཆང་དཀོན་ཅོག་ལེགས་འཛིན། སྒྲུབ་ཁང་པ་དཔལ་ལྡན་དོན་གྲུབ། ཤར་པ་ཤེས་རབ་འབྱུང་གནས། ཞ་ལུ་མཁན་ཆེན་རིན་ཅེན་བསོད་ནམས་མཆོག་གྲུབ། དེས་བདག་ལའོ། །ཡང་ན་བྱ་ཡུལ་བ་གཞོན་ནུ་འོད་ནས། དགེ་བཤེས་འཆད་ཀ་བ། སྐྱེར་སྒང་བ་ཆོས་ཀྱི་སེང་གེ །སངས་རྒྱས་སྒོམ་པ། མཆིམས་ནམ་མཁའ་གྲགས། སྐྱོ་སྟོན་སྨོན་ལམ་ཚུལ་ཁྲིམས། རྒྱང་རོ་བྱང་ཆུབ་འབུམ། མཆིམས་
བློ་བཟང་གྲགས་པ། གྲོ་སྟོན་ཀུན་དགའ་རྒྱལ་མཚན། དབང་སྟོན་གྲུབ་པ་ཤེས་རབ། སྤྱང་ལུང་པ་གཞོན་ནུ་བློ་གྲོས། པཎ་ཆེན་ཤཱཀྱ་མཆོག་ལྡན། སྤྱང་ལུང་པ་གཞོན་ནུ་མཆོག་གྲུབ། རྗེ་བཙུན་ཀུན་དགའ་གྲོལ་མཆོག །རྗེ་ཀུན་དགའ་རྒྱལ་མཚན། སྔགས་འཆང་དཀོན་ཅོག་ལེགས་འཛིན་མན་འདྲ། ཡང་ན་བོ་དོང་ཕྱོགས་ལས་རྣམ་རྒྱལ་ནས། ཐམས་ཅད་མཁྱེན་པ་དགེ་འདུན་གྲུབ། པཎ་ཆེན་ཡེ་ཤེས་རྩེ་མོ། ཐམས་ཅད་མཁྱེན་པ་དགེ་འདུན་རྒྱ་མཚོ། དེ་ནས་བླ་མ་གསུམ་ཙམ་ཞིག་མ་རྙེད། དེ་ནས་མཁན་ཆེན་བློ་བཟང་ཆོས་ཀྱི་རྒྱལ་མཚན་དང་འཇམ་དབྱངས་དཀོན་ཅོག་ཆོས་འཕེལ། དེ་གཉིས་ཀ་ལ་བདག་གིས་ཞུས། ཉེ་བརྒྱུད་ནི། རྗེ་བཙུན་སྒྲོལ་མས་མཁས་གྲུབ་ནོར་བཟང་རྒྱ་མཚོ་ལ་དངོས་སུ་གནང་ཞིང་བསྟོད་པ་ཤོ་ལོ་ཀ་གང་མང་རྩོམས་ཤིག་དེའི་གྲངས་དང་མཉམ་པའི་ཚེའི་དངོས་གྲུབ་སྟེར་བར་ཞལ་གྱིས་འཆེས་པ་བཞིན་རྗེ་བཙུན་མར་བསྟོད་པ་བརྩམས་པས་དགུང་ལོ་བརྒྱར་ཉེ་བ་བཞུགས། དེ་ལ་ཐམས་ཅད་མཁྱེན་པ་དགེ་འདུན་རྒྱ་མཚོས་གསན་ནོ། །བཀའ་བབས་གཉིས་པ་ས་ལུགས་ཀྱི་བརྒྱུད་པ་ནི། རྗེ་བཙུན་སྒྲོལ་མ། པཎ་ཆེན་གྲུབ་ཝཱ་གཱི་ཤྭ་ར། རྡོ་རྗེ་གདན་པ། བ་རི་ལོ་ཙཱ་བ། རྗེ་བཙུན་བརྩེ་བ་ཆེན་པོ། སློབ་དཔོན་བསོད་ནམས་རྩེ་མོ། རྗེ་བཙུན་གྲགས་པ་རྒྱལ་མཚན། ཆོས་རྗེ་ས་སྐྱ་པཎྜི་ཏ། འགྲོ་བའི་མགོན་པོ་འཕགས་པ་རིན་པོ་ཆེ། ཞང་དཀོན་ཅོག་དཔལ། རྒྱལ་བ་བྲག་ཕུག་པ། བླ་མ་དམ་པ་བསོད་ནམས་རྒྱལ་མཚན། རྗེ་བཙུན་དཔལ་ཆེན་བཟང་པོ། ཆོས་རྗེ་ཡེ་ཤེས་དཔལ་བཟང་། ཆག་ལོ་རིན་ཅེན་ཆོས་རྒྱལ། ཁྲ་རི་བ་རིན་ཅེན་རྒྱལ་
མཆོག །རྫོང་དཀར་བ་ཤེས་རབ་རྒྱལ་མཚན། འཇམ་དབྱངས་མཁྱེན་བརྩེའི་དབང་ཕྱུག་མན་སྔར་ལྟར་རོ། །གཞན་ཡང་ཇོ་བོ་ལུགས་ཀྱི་སྐབས་སྨོས་པའི་བླ་མ་དམ་པ་བསོད་ནམས་རྒྱལ་མཚན་བརྒྱུད་པར་བཞུགས་ཕྱིན་དེ་མན་ཆད་འདིར་ཡང་བགྲངས་ཆོག་གོ །བཀའ་བབས་
གསུམ་པ་པཎ་ཆེན་ལུགས་ཀྱི་བརྒྱུད 
་པ་ནི། རྗེ་བཙུན་སྒྲོལ་མ། ཁ་ཆེ་པཎ་ཆེན་ཤཱཀྱ་ཤྲཱི། མཁན་ཆེན་བྱང་ཆུབ་དཔལ། མཁན་ཆེན་བདེ་བ་དཔལ། བྱང་སེམས་བསོད་ནམས་གྲགས་པ། བླ་མ་དམ་པ་བསོད་ནམས་རྒྱལ་མཚན། འཇམ་དབྱངས་རིན་ཅེན་རྒྱལ་མཚན། མཁན་ཆེན་རྒྱལ་བ་ཕྱག་ན། མཁན་ཆེན་ཀུན་དགའ་བློ་གྲོས། ཆག་ལོ་རིན་ཅེན་ཆོས་རྒྱལ། ཁྲ་རི་བ་མན་གོང་བཞིན་ནོ། །ཡང་ན་བླ་མ་དམ་པ་ནས། དཔལ་ལྡན་ཚུལ་ཁྲིམས། ཤར་ཆེན། ངོར་ཆེན། དམར་སྟོན་རྒྱལ་མཚན་འོད་ཟེར། མཚུངས་མེད་ནམ་མཁའ་བློ་གྲོས། ཆག་ལོ་ཁྲ་རི་བ་མན་འདྲ། ཡང་ན་པཎ་ཆེན་ཤཱཀྱ་ཤྲཱི་ནས། པཎ་ཆེན་དཱ་ན་ཤཱི་ལ། ཙང་ཐང་པ། བླ་མ་ཀ་པ་བ། རྟོགས་ལྡན་གྲགས་སེང་། གཡའ་བཟང་པ་བསོད་ནམས་འོད། བསོད་ནམས་རྡོ་རྗེ། གཙང་པ་བློ་བཟང་པ། རང་གྲོལ་ལྷུན་གྲུབ། ནམ་མཁའ་བློ་གྲོས། ཆག་ལོ། ཁྲ་རི་བ་མན་འདྲ། འདིར་མ་ཟད་མཁན་ཆེན་བྱང་ཆུབ་དཔལ་བརྒྱུད་པར་བཞུགས་ཕྱིན་དེ་མན་ཆད་འདིར་ཡང་བགྲངས་ཆོག་གོ །བཀའ་བབས་བཞི་པ་ཨ་བྷ་ཡཱ་ཀ་ར་ལུགས་ཀྱི་བརྒྱུད་པ་ནི། རྗེ་བཙུན་སྒྲོལ་མ། སློབ་དཔོན་ཨ་བྷ་ཡཱ་ཀ་ར། ཤུ་བྷཾ་ཀ་རུ་གུཔྟ། ལེགས་སྤྱོད་འབྱུང་གནས། རནྟ་རཀྟི་ཏ། གཽ་ཏཾ་ཤྲཱི། ཀཱི་
རྟི་ཙནྡྲ། ལོ་ཙཱ་བ་གྲགས་པ་རྒྱལ་མཚན། རོང་པ་ཤེས་རབ་སེང་གེ །བག་སྟོན་གཞོན་ནུ་ཚུལ་ཁྲིམས། མཁན་ཆེན་ཤེས་རབ་རྡོ་རྗེ། མཁན་ཆེན་རིན་ཅེན་འཕེལ། བླ་མ་ཡེ་ཤེས་འཕེལ། རྗེ་ཀུན་དགའ་བསོད་ནམས། བླ་མ་བྱང་སེང་པ། རྒྱ་མ་བ་ཡོན་ཏན་འོད། ཤང་དཀར་བ་རིན་ཅེན་རྒྱལ་མཚན། སྐུངས་ལུང་པ་སངས་རྒྱས་དཔལ། རྗེ་འཕགས་པ་རིན་ཅེན། ཆག་ལོ་རིན་ཅེན་ཆོས་རྒྱལ། ཁྲ་རི་བ་མན་འདྲ། །བཀའ་བབས་ལྔ་པ་གཉན་ལུགས་ཀྱི་བརྒྱུད་པ་ནི། རྗེ་བཙུན་སྒྲོལ་མ། པཎྜི་ཏ་མ་ཏི། གཉན་ལོ་ཙཱ་བ་དར་མ་གྲགས། གནམ་ཁའུ་པ་དར་མ་རྒྱལ་མཚན། རྗེ་བཙུན་ས་ཆེན་མན་འདྲ། ས་ཆེན་བརྒྱུད་པར་བཞུགས་ཕྱིན་དེ་མན་གྱི་བརྒྱུད་པ་རྣམས་ཚང་མ་དེད་ཆོག །བཀའ་བབས་དྲུག་པ་དཔྱལ་གྱི་བརྒྱུད་པ་ནི། རྗེ་བཙུན་སྒྲོལ་མ། རྡོ་རྗེ་གདན་པ་ནི་སྐ་ལཾ་ཀ །དཔྱལ་ལོ་ཙཱ་བ་ཆོས་ཀྱི་བཟང་པོ། དཔྱལ་ཨ་མོ་གྷ། མཁན་ཆེན་གཞོན་ནུ་དཔལ་ཡེ་ཤེས། ཐར་ལོ་ཉི་མ་རྒྱལ་མཚན། བུ་སྟོན་ཐམས་ཅད་མཁྱེན་པ། རྗེ་བཙུན་དཔལ་ཆེན་བཟང་པོ། རྗེ་ཡེ་ཤེས་དཔལ་བཟང་། ཆག་ལོ་རིན་ཅེན་ཆོས་རྒྱལ། ཁྲག་རི་བ་རིན་ཅེན་རྒྱལ་མཆོག་མན་འདྲ། བུ་སྟོན་རིན་པོ་ཆེ་བརྒྱུད་པར་བཞུགས་ཕྱིན་དེ་མན་གྱི་བརྒྱུད་པ་གོང་མ་རྣམས་ཀྱང་བགྲངས་ཆོག །བཀའ་བབས་བདུན་པ་རྔོག་ལུགས་ཀྱི་བརྒྱུད་པ་ནི། རྗེ་བཙུན་སྒྲོལ་མ། ངག་དབང་གྲགས་པ། མར་པ་ལོ་ཙཱ་བ་ཆོས་ཀྱི་བློ་གྲོས། རྔོག་ཆོས་སྐུ་རྡོ་རྗེ། རྔོག་མདོ་སྡེ། རྔོག་ཀུན་དགའ། རྔོག་གཟི་བརྗིད་གྲགས་པ། རྔོག་རིན་ཅེན་བཟང་པོ། རྔོག་ཆོས་ཀྱི་རྒྱལ་མཚན། གནག་ར་བ་སངས་རྒྱས་རྒྱལ་མཚན།
རྔོག་བྱང་ཆུབ་དཔལ། བྱམས་པ་གླིང་པ་བསོད་ནམས་རྣམ་པར་རྒྱལ་བ། ལོ་ཆེན་བསོད་ནམས་རྒྱ་མཚོའི་སྡེ། ཞྭ་དམར་བཞི་པ་སྤྱན་སྔ་ཆོས་ཀྱི་གྲགས་པ། ཆག་ལོ་རིན་ཅེན་ཆོས་རྒྱལ། ཁྲ་རི་བ་མན་འདྲ། །བཀའ་བབས་བརྒྱད་པ་སྒར་ལུགས་ཀྱི་བརྒྱུད་པ་ནི། རྗེ་བཙུན་སྒྲོལ་མ། ཀརྨ་པ་རོལ་པའི་རྡོ་རྗེ། རྗེ་མཁའ་སྤྱོད་དབང་པོ། ཀརྨ་པ་དེ་བཞིན་གཤེགས་པ། མཁས་གྲུབ་བསོད་ནམས་འབུམ། སློབ་དཔོན་རིན་པོ་ཆེ་བླ་མ་རྒྱལ་མཚན། ཞྭ་དམར་ཅོད་པན་འཛིན་པ་བཞི་པ་ཆོས་ཀྱི་གྲགས་པ་ཡེ་ཤེས་དཔལ་བཟང་པོ། ཆག་ལོ་རིན་ཆེན་ཆོས་རྒྱལ། ཁྲ་རི་བ་མན་འདྲ། བཀའ་བབས་དགུ་པ་ནགས་རིན་ལུགས་ནི། རྗེ་བཙུན་སྒྲོལ་མ། པཎྜི་ཏ་ངག་དབང་གྲགས་པ། པཎ་ཆེན་ནགས་ཀྱི་རིན་ཅེན། །ཆོས་རྗེ་ཀུན་དགའ་མཆོག་གྲུབ། རྗེ་བཙུན་ཀུན་དགའ་གྲོལ་མཆོགཆོས་རྗེ་ཀུན་དགའ་རྒྱལ་མཚན། སྔགས་འཆང་དཀོན་ཅོག་ལེགས་འཛིན། མཁས་གྲུབ་དཔལ་ལྡན་དོན་གྲུབ། ཤར་ཆེན་ཤེས་རབ་འབྱུང་གནས། རྡོ་རྗེ་འཆང་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལའོ། །