བཞི་པ། གཟེངས་བསྟོད་པ།

བཞི་པ་གཟེངས་བསྟོད་པ་ནི། དབང་འདི་ཐོབ་ནས་རིག་པ་ཡེ་ཤེས་ཀྱི་རང་གདངས་ཞི་བ་ལོངས་སྐུའི་ཞིང་ལ་སྤྱོད་པར་དབང་། མ་རིག་པ་གཞི་ལ་སངས་ནས་སྒོ་གསུམ་འཆིང་བའི་རྒྱ་ལས་གྲོལ་བ་ཐོབ། ཡེ་ཤེས་ལྷུན་གྲུབ་ཀྱི་གཞི་སྣང་ཀ་དག་ཏུ་ཐིམ་ནས་ནང་དབྱིངས་ལྷུན་གྲུབ་ཀྱི་ཡེ་ཤེས་ལ་སྤྱོད། འབད་ན་ཚེ་འདིར་གྲོལ་ཞིང་། མ་འབད་ཀྱང་བར་དོའམ་རང་བཞིན་སྤྲུལ་པའི་ཞིང་དུ་སངས་རྒྱའོ། །ཞེས་བརྗོད་དོ། །དེ་ནས་ཚོགས་ཀྱི་དགའ་བ་དང་། རྡོ་རྗེའི་གླུ་བཀྲ་ཤིས་ཀྱི་བར་དུ་བྱའོ། །

དགེ་བ་འདི་ཡིས་འགྲོ་བ་ཀུན། །དབང་མཆོག་རྒྱལ་པོའི་ས་ཐོབ་ཤོག །བཀྲ་ཤིས་དགེ་ལེགས་ཕུན་ཚོགས་ཀྱིས། །རྟག་ཏུ་བཀྲ་ཤིས་བྱེད་པར་(༨༢)ཤོག །རབ་ཏུ་སྤྲོས་པ་མེད་པའི་དབང་ཆོག་བྱིན་རླབས་ཆུ་བོ་ཞེས་བྱ་བ། ཐེག་པ་མཆོག་གི་རྣལ་འབྱོར་པ་སྣ་ཚོགས་རང་གྲོལ་གྱིས་གངས་རི་ཐོད་དཀར་གྱི་མགུལ། མེ་ཏོག་བརྩེགས་པའི་སྐྱེད་མོས་ཚལ་དུ་སྦྱར་བ་རྫོགས་སོ།། །།

དགེའོ། །དགེའོ། །དགེའོ།། །།