དབང་གི་རིམ་པ་ཁྲིད་དུ་བསྐུར་ལུགས།

དབང་གི་རིམ་པ་ཁྲིད་དུ་བསྐུར་ལུགས་བཞུགས་སོ༔ སྨིན་བྱེད་དབང་གི་དོན་ཁྲིད་དུ་བསྐུར་ཏེ༔ དང་པོར་སློབ་བུ་ལས་དང་པོ་པ་རྣམས་ལ་བུམ་པའི་དབང་བསྐུར་ཏེ་ཡི་དམ་རིགས་ལྔའི་མངོན་རྟོགས་གསུམ་པོ་ལ༔ རྟགས་རྫོགས་པར་བསྙེན་པ་བྱེད་དུ་བཅུག་གོ༔ དེ་ནས་གསང་དབང་བསྐུར་ཏེ་གཏུམ་མོ་གང་རུང་བ་ལ་རྟགས་མ་རྫོགས་བར་དུ་བསྒོམ་དུ་གཞུག་གོ༔ དེ་ནས་ཤེས་རབ་ཡེ་ཤེས་བསྐུར་ཏེ་བདེ་སྟོང་དོན་ལ་ཐིག་ལེ་ལས་སུ་རུང་གི་བར་དུ་ཕྱག་རྒྱ་བརྟེན་དུ་གཞུག་གོ༔ དེ་ནས་ཚིག་དབང་བསྐུར་ཏེ་ཁྲེགས་ཆོད་ཀྱིས་དོན་ངོ་མ་འཕྲོད་བར་དུ་བསྒོམ་དུ་གཞུག་གོ༔ དེ་ནས་རྩལ་དབང་བསྐུར་ཏེ་ཐོད་རྒལ་ངོ་སྤྲད་ལ༔ སྣང་བ་བཞི་མ་རྫོགས་ཀྱི་བར་ལ་སྒོམ་དུ་གཞུག་གོ༔ ཐམས་ཅད་དུས་གཅིག་ལ་བསྐུར་ཡང་འགལ་བ་མེད་དོ༔ རིམ་པར་ཁྲིད་དུ་བྱས་ན་ཤིན་ཏུ་ལེགས་སོ༔ ས་མ་ཡ༔ རྒྱ་རྒྱ་རྒྱ༔