སྨན་བླའི་ཚོག་བསྒྲིགས་མདོ་རྒྱུད་དགོངས་བསྒྲིལ་གྱི་ཟིན་ཐོ།
༈ སྨན་བླའི་ཚོག་བསྒྲིགས་མདོ་རྒྱུད་དགོངས་བསྒྲིལ་གྱི་ཟིན་ཐོ། ཨོཾ་སྭ་སྟི་རྩ་གསུམ་རྡོ་རྗེ་སྙིང་པོའི་སྨན་བླའི་ཆོ་ག་ཇི་ལྟར་བྱ་བའི་ཚུལ་ལ། སྦྱོར་བ་ནི། རྟེན་གྱི་དྲུང་དུ་མཎྜལ་དབུས་སུ་ཚོམ་བུ་འདབ་བརྒྱད། དེའི་ཕྱིར་བཅུ་དྲུག །དེའི་ཕྱིར་ཉེར་བཞི། དེའི་ཕྱིར་ཕྱོགས་བཞིར་རེ་རེ་བཀོད། དབུས་སུ་སྨན་བླའི་གཟུངས་མདོ་འམ། སྐུ་འདྲ་བཀོད། དེ་ཙམ་མ་ནུས་ན་བསྒྲུབ་པའི་མཎྜལ་མཚོན་བྱེད་དུ་ཚོམ་བུ་ལྔ་
པའམ་སྒྲུབ་གཏོར་ཨ་རུ་རའི་དབྱིབས་ཅན་བཤམས། གང་ལྟར་ཡང་ཉེར་སྤྱོད་སོགས་མཆོད་པའི་བྱེ་བྲག་ཅི་འབྱོར་པ་ཚར་དུ་དངར་བས་མདུན་འདར་ཏེ་ཁྲུས་དང་གཙང་སྦྲ་ལ་གནས་པར་བྱའོ། །དངོས་གཞི་ནི། སྐྱབས་སེམས་གཞུང་ལྟར། མཆོད་པ་བྱིན་རླབས་རིགས་མཐུན་གཞན་ནས་བླངས་ཏེ་བདེན་སྟོབས་བརྗོད་པ་བཅས་བྱ། བདག་ཉིད་ལྷར་གསལ་བཏབ། ཐུགས་ཀར་སྔགས་བྷོ་དྷི་ས་ཏྭ་སོགས་མི་སྣང་། ཕྲེང་བཀོད་ནས་བཟླས་པ་ཅི་རིགས་པར་བྱ། དེ་ནས་མདོ་ཆོག་ལས་འབྱུང་བའི་ཚིག་དང་། གཞུང་གི་སྤྱན་འདྲེན་བཅས་བཏང་ལ་མདུན་དུ་བྱོན་པར་བསམ། བཞུགས་གསོལ་བྱ། བཟང་སྤྱོད་ཀྱི་ཡན་ལག་བདུན་པ་དང་། ཁྲུས་གསོལ་སྤྱི་ལྟར། མཆོད་པ་གཞུང་ལྟར། དེ་ནས་ཕྱག་མཆོད་རྒྱས་བསྡུས་ཇི་ལྟར་རིགས་པ་བཏང་། གཟུངས་བུམ་བསྒྲུབ་ན་འདིར་བསྒྲུབ། མཐར་ཡི་གེ་བརྒྱ་པ་ལན་གསུམ་དང་། གཞུང་གི་བསྟོད་པ་རྣམས་བཏང་། མཇུག་གི་ཆོ་ག་ནི། གཏོང་རག་གི་སླད་དུ་མཎྜལ་འབུལ། ཕྱག་མཆོད་མདོར་བསྡུས་དང་། སྨོན་ལམ་རྒྱ་ཆེར་བཏབ། ནོངས་པ་བཟོད་པར་གསོལ། བརྟན་བཞུགས་དང་གཤེགས་གསོལ་སྐབས་སྦྱར། བསྔོ་སྨོན་ཤིས་བརྗོད་རྒྱས་པར་བྱའོ། །འདི་ནི་མདོ་སྔགས་ཟུང་འབྲེལ་གྱི་ཆོ་ག་ཞེས་བསྒྲུབ་པར་སྣང་ངོ་། །ཆོས་ཀྱི་ཉི་མའི་གཞུང་མང་གི་དོན་ཇི་མ་ཇི་བཞིན་གྱི་དག་གཙང་ངོ་དགེའོ།། །།