འདུ་ཤེས་བཅུ་ཡི་འཕོ་བ།
གཉིས་པ་འདུ་ཤེས་བཅུ་ཡི་འཕོ་བ་ནི། འདུ་ཤེས་བཅུ་སྟན་པའི་མདོ་ལས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་འཆི་བའི་དུས་ཀྱི་ཚེ་དགེ་སློང་གི་འདུ་ཤེས་བཅུ་མངོན་དུ་བྱའོ། །བཅུ་གང་ཞེ་ན། ཚེ་འདི་ལ་མ་ཆགས་པའི་འདུ་ཤེས་དང་། སེམས་ཅན་ཐམས་ཅད་ལ་བྱམས་པའི་འདུ་ཤེས་དང་། ཁོན་དུ་འཛིན་པ་ཐམས་ཅད་དོར་བའི་འདེུས་དང་། འཆལ་པའི་ཚུལ་ཁྲིམས་ཐམས་ཅད་བཤགས་པའི་འདུ་ཤེས་དང་། ཚུལ་ཁྲིམས་ཐམས་ཅད་ཡང་དག་པར་སླང་པའི་འདུ་ཤེས་དང་། ཉེས་པ་བྱས་པ་ཆེན་པོ་དག་ལ་ཡང་པའི་འདུ་ཤེས་དང་། དགེ་བའི་རྩ་བ་ཆུང་ངུ་དག་ལ་ཆེ་བའི་འདུ་ཤེས་དང་། འཇིག་རྟེན་ཕ་རོལ་དག་ལ་བྲོད་པའི་འདུ་ཤེས་དང་། འདུས་བྱས་ཐམས་ཅད་མི་རྟག་པའི་འདུ་ཤེས་དང་། ཆོས་ཐམས་ཅད་བདག་ཉིད་པའི་འདུ་ཤེས་དང་། མྱ་ངན་ལས་འདས་པ་ལ་ཞི་བའི་འདུ་ཤེས་མངོན་དུ་བྱའོ། །ཞེས་གསུངས་པའི་དོན་ཏོ། །