དེ་ལ་ཞག་རེའི་རྟག་ལོངས་བསྣན་ཏེ་བརྩི་བཞིན་པའི་བར་པ་བསྒྲུབ་པ།

གཉིས་པ་ནི། གཟའ་ཉིའི་དྷྲཱུ་བ་ཀ་སོ་སོ་ལ། རང་རང་གི་རྟག་ལོངས་གང་རྩིའི་ཚེས་ཀྱིས་བསྒྱུར་ནས་སྟེར་བའམ། ཡང་ན་རྟག་ལོངས་གཅིག་ཐོག་གཅིག་བརྩེགས་ཀྱིས་སྤེལ་བའི་རེའུ་མིག་སུམ་ཅུ་ལས་གང་འདོད་དང་། ཟླ་རྐང་གི་དྷྲཱུ་བའི་རིལ་པོའི་གནས་སུ་ཚེས་རེ་ལ་རྐང་པ་རིལ་པོ་རེ་སྤྱོད་པའི་དོན་དུ་གང་རྩིའི་ཚེས་གྲངས་ཉིད་སྦྱིན་པས་འགྲུབ་སྟེ། དྷྲཱུ་བ་ཀ་ནི་འདས་མ་ཐག་པའི་གནམ་སྟོང་གི་བར་པ་ཡིན་པ་གང་ཞིག །དེ་ལ་བརྩི་བཞིན་པའི་ཞག་རེའི་རྟག་ལོངས་བསྣན་པས་ངེས་པ་ད་ལྟ་བར་འགྱུར་བའི་ཕྱིར་རོ། །