དམན་ས་འཛིན་དགོས་ཚུལ།
དམན་ས་འཛིན་དགོས་ཚུལ།
དེ་ནས་དམན་ས་འཛིན་དགོས་པར་གདམས་པ་ནི། མཐོན་པོའི་སྒང་ལ་ཆུ་བོ་མི་ཆགས་པས། །དམན་ས་བཟུང་སྟེ་གུས་པའི་བརྟུལ་ཞུགས་ཀྱིས། །ཆོས་མཐུན་བློ་ཁ་མཐོ་བ་ཐམས་ཅད་ལས། །བློ་སྐྱེད་གང་ལོན་བྲེ་གསོག་ཕུལ་གསོག་གིས། །སྒྲོ་འདོགས་འཕྲལ་དང་འཕྲལ་དུ་ཆོད་ཅིག་ཨང༌། །ཞེས་གསུངས་ཏེ། མི་སྒེར་སོ་སོ་ལ་ང་རྒྱལ་དང་ཕྲག་དོག་ཆེ་བ་ནས་བཟུང་ཡོན་ཏན་གང་ཡང་མི་སྐྱེ་བ་སྟེ། དཔེར་ན་མཐོན་པོའི་སྒང་ལ་ཆུ་བོ་མི་ཆགས་པ་བཞིན་ཡིན་པས་རང་རང་སོ་སོས་དམན་ས་བཟུང་ནས་སྔོན་བྱོན་བཀའ་གདམས་གོང་མ་ཚོའི་རྣམ་ཐར་ལས་གསུངས་པ་ལྟར་མི་གྲལ་ནས་བུད། ཁྱི་གྲལ་བསྙེག ལྷ་གྲལ་ཐོབ་པ་སྟེ་འབུད་སྙེག་ཐོབ་གསུམ་ལྟ་བུས་བློ་སྦྱངས་ནས་ལུས་ངག་ཡིད་གསུམ་གུས་པའི་བརྟུལ་ཞུགས་ཀྱིས་ཆོས་མཐུན་གྲོགས་རིགས་པ་སྨྲ་བའི་ཚོགས་ལས་རང་གི་བློ་ཁ་མཐོ་བ་ཐམས་ཅད་ལས་བློ་སྐྱེད་གང་ལོན་པ་རྣམས། བྲེ་གསོག་དང་ཕུལ་གསོག་བྱས་ཏེ། སྒྲོ་འདོགས་འཕྲལ་དང་འཕྲལ་དུཆོད་ཅིག་ཨང་ཞེས་གདམས་པ་རེད།