གཙང་རོང་བོན་ལུང་པའི་དྲི་ལན།
༈ གཙང་རོང་བོན་ལུང་པའི་དྲི་ལན། མཆོད་རྟེན་གྱི་གཟུངས་འདི་བཞིན་འབུལ་བའི་གོ་རིམ་མཁྱེན་ཕྱིར་གཟུངས་སྔགས་ཆ་ཚང་བ་ཞིག་མ་བསྒྲིལ་བ་ཕུལ་བའི་བཀའ་ཐོ་དང་བསྟུན་གཟུངས་བསྒྲིལ་རྣམས་འབུལ་ཚུལ་ཟུར་ལྟར་དང་། ཆོས་འཁོར་སོགས་རྩེ་མོར་འབུལ་རྒྱུའི་གཟུངས་རྣམས་དེ་དང་དེར་མ་ཤོང་ན་བུམ་པ་ཡན་ཆད་དུ་གཙོ་འཁོར་གྱི་ཚུལ་དུ་སྟོད་མ་རྣམས་དབུས་འོག་མ་རྣམས་རིམ་བཞིན་དེའི་ཕྱིར་འབུལ་བ་གནང་བས་ཆོག །སྲོག་ཤིང་མཆོད་རྟེན་གྱི་ཆེ་ཆུང་མ་ཤེས་པས་འདི་ནས་ཕུལ་ཆོག་མ་འབུལ་མ་ཐུབ་པས་གཅིག་པོ་འདི་དཔེ་ཙམ་དུ་ཕུལ་བ་དེ་གར་རབ་ཙནྡ། ཐ་ནའང་ཤུག་པ་ལྟ་བུ་ལ་བཟོ་བ་གནང་ངོས། རིང་ཐུང་འོད་ཟེར་དྲི་མེད་ཀྱི་ཆོ་གར་བུམ་རྟེན་ཡན་ཆད་དུ་བཤད་ཀྱང་མཆོད་རྟེན་ཆུང་ཆུང་གི་རིགས་ལ་རྨང་དགེ་ཡན་ཆད་དུ་མཛད་སྲོལ་འདུག་ཅིང་། བྱིན་རྟེན་མཆོད་རྟེན་རེར་དེ་བཞིན་གཤེགས་པའི་འཕེལ་གདུང་རེ་དང་གནས་ཆེན་ས་སྣ་ལ་ངེད་རང་གི་ལག་བརྡར་གྱིས་བཏབ་པའི་པར་སྐུ་རེ། དེ་ཕྱིན་བྱིན་རྟེན་སོ་སོར་བགོ་བཤའ་གནང་ནས་འབུལ་ཞིང་གནོད་སྦྱིན་འཁོར་ལོ་འདི་རྣམས་སེང་ཁྲིའི་གཤམ་དུ་སྟེང་འོག་དང་རྒྱབ་མདུན་མ་ནོར་བར་འབུལ་ཞིང་། དེའི་མཐར་ཤ་ཆང་སྒོག་བཙོང་མ་གཏོགས་པའི་ཟས་སྣ་དང་དར་ཟབ་རིན་ཆེན་སྨན་སྣ་སོགས་ཀྱིས་བཅེར་ཏེ་འབུལ་ལུགས་ཞུ།