ཧཱུྃ་ཡིག་དཔེའུ་རིས།
དཔེའུ་རིས་ཡོད།
ཧཱུྃ་ཡི་འདི་དཔེར་ན་ཟངས་ཀྱི་སྦུ་གུ་ལ། ཧཱུྃ་བཟོས་པ་ལྟ་བུར་བསྒོམ་པའི་ནང་སྟོང་པ་ལ། སྦ་བ་བསྒོམ་ཚུལ་ཐིག་ལེའི་ནང་དུ། རང་གི་དབང་ལུང་བརྒྱུད་པའི་རྩ་བའི་བླ་མའི་ངོ་བོ་ལ་རྣམ་པ་རྡོ་རྗེ་འཆང་གི་ཆ་ལུགས་ལ་བརྒྱུད་པ་དྲུག་ལྡན་གྱིས་བསྐོར་བ། ཟླ་ཚེས་ནང་དུ་ཡི་དམ་རང་གི་རྩ་བའི་ཡི་དམ་གང་ཡིན་ལ་རྒྱུད་སྡེ་བཞི་སོགས་ཡི་དམ་ཐམས་ཅད་བསྒོམ། མགོ་སྐེད་ནང་དུ་རྡོ་རྗེ་ཕག་མོ་སོགས་མཁའ་འགྲོ་རྒྱ་མཚོའི་ཚོགས་ཀྱིས་བསྐོར་བར་བསྒོམ། ཧ་ཁོག་ནང་དུ་རྣམ་པར་ཤེས་པའི་ངོ་བོ་ཧཱུྃ་ལྗང་ཁུ། དེའི་གཡས་སུ་ཚེའི་ངོ་བོ་ཨ་དཀར་པོ། གཡོན་དུ་བསོད་ནམས་ཀྱི་ངོ་བོ་ཧཱུྃ་སྔོན་པོ། དེ་དག་གི་གཡས་སུ་བསྲུང་བྱ་ཕོ། གཡོན་དུ་མོ་རིགས། རྒྱབ་ཏུ་སྦྲ་ཁང་།
མདུན་དུ་ནོར་རྫས་སོགས་བསྒོམ། འ་ཆུང་ནང་དུ་ཆོས་སྐྱོང་ལྷ་ཆེན་མ་ནིང་སོགས་ཕོ་རྒྱུད། ལྷ་མོ་དུད་སོལ་མ་སོགས་མོ་རྒྱུད་བསྒོམ། ཞབས་ཀྱུའི་ནང་དུ་སྡེ་བརྒྱད་ཀྱི་ས་བོན་སྤྱས་བྲིས་པ་ཙམ་མགོ་ཐུར་བསྟན་བསྒོམས་པས། སྡེ་བརྒྱད་ཀྱི་སྲོག་སྙིང་རང་གི་བུ་རྟིས་བཟུང་བ་ཡིན་པས་འཁུ་ལྡོག་མི་འགྱུར་བའི་དགོས་པ་ཡོད་དོ། །དེ་ཡང་མི་ཚུད་སྙམ་ན། དངོས་པོ་སྣོད་ནང་དུ་བཅུག་པ་ལྟ་བུ་ཡིན་ན། ཁག་མེད། འདི་སེམས་ཀྱི་བསྒོམ་བྱ་སྟོང་གསུམ་ཡུངས་འབྲུར་ཚུད་པ་ཞེས་པ་ལྟ་བུ་ལ་བསམ་པར་བྱའོ། །ཞེས་ཨ་རཱ་གས་གསུངས་བཞིན་བྲིས།།