དང་པོ་ལྷ་ཚེ་རིང་པོར་སྐྱེས་པའི་རྒྱལ་སྲས།

དང་པོ་ལྷ་ཚེ་རིང་པོར་སྐྱེས་པའི་རྒྱལ་སྲས་ནི།

ཉི་ཁྲི་ལྔ་སྟོང་པ་ལས། ཤཱ་ར་དྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ཐབས་ལ་མི་མཁས་པ་དག་བསམ་གཏན་བཞི་པོ་ལ་མཉམ་པར་གཞོག་ཅིང༌། ཕ་རོལ་ཏུ་ཕྱིན་པ་དྲུག་ལའང་སྤྱོད་དེ། དེ་དག་བསམ་གཏན་ཐོབ་པས་ལྷ་ཚེ་རིང་པོའི་ནང་དུ་སྐྱེས་ཤིང༌། གལ་ཏེ་མིའི་ནང་དུ་སྐྱེ་བ་ཐོབ་ནས། སངས་རྒྱས་བཅོམ་ལྡན་འདས་དེ་དག་ལ་བསྙེན་བཀུར་བྱེད་ནའང༌། དེ་དག་དབང་པོ་རྟུལ་ཞིང་དབང་པོ་མི་རྣོ་བའང་ཡོད་དོ། །ཞེས་གསུངས་སོ། །མདོ་འདི་ཉ་ཊཱིཀ་ལས་ཆགས་བྲལ་སྔོན་སོང་གི་འབྲས་བུ་བར་བ་གཉིས་ཀྱི་དབང་རྟུལ་ལ་སྦྱར་ནས་བཤད་དོ། །