དམ་ཚིག་བསྲུང་དགོས་པར་གདམས་པ།
དམ་ཚིག་བསྲུང་དགོས་པར་གདམས་པ།
དེ་ནས་དམ་ཚིག་ཚུལ་བཞིན་དུ་བསྲུང་དགོས་པར་གདམས་པ་ནི། སྔགས་གཞུང་ཐོས་བསམ་བྱས་པའི་ཉིང་དགོས་སུ། །རྒྱལ་ཀུན་དགོངས་པ་གཅིག་གྱུར་རྟག་པའི་བཀའ། །དངོས་གྲུབ་རྩ་བ་དམ་ཚིག་བསྲུང་བ་འདིར། །འབབ་པའི་ཚུལ་ལ་གོ་བ་གཏིང་ཚུགས་པས། །གཏན་འདུན་འཆུགས་པ་མེད་པར་གྱིས་ཤིག་ཨང༌། །ཞེས་གསུངས་ཏེ། གསང་བ་སྔགས་ཀྱི་གཞུང་རྣམས་ལ་ཐོས་བསམ་སློབ་གཉེར་བྱས་པའི་ཉིང་དགོས་སམ་དགོས་དོན་གཙོ་བོ་དེ། རྒྱལ་བ་སངས་རྒྱས་ཐམས་ཅད་ཀྱི་དགོངས་པ་གཅིག་གྱུར་རྟག་པའི་བཀའ་ནི་དངོས་གྲུབ་ཀུན་གྱི་རྩ་བ་སྡོམ་པ་དང་དམ་ཚིག་ཚུལ་བཞིན་དུ་བསྲུང་བ་འདི་ལ་འབབ་པའི་ཚུལ་དེར་གོ་བ་གཏིང་ཚུགས་པས་རང་གི་གཏན་གྱི་འདུན་མ་ཐར་བ་དང་ཐམས་ཅད་མཁྱེན་པའི་གོ་འཕང་ཐོབ་པའི་ཐབས་ལམ་དེ་མ་ནོར་བ་གྱིསཞེས་གདམས་པ་རེད།