གནས་བདག་གི་བསང་མཆོད་འདོད་རྒུ་ལྷུན་གྲུབ།
གནས་བདག་གི་བསང་མཆོད་འདོད་རྒུ་ལྷུན་གྲུབ་བཞུགས། བླ་མ་མཆོག་དང་རྩ་གསུམ་ལྷར། །བཏུད་ནས་གནས་བསང་མདོར་བསྡུས་བྲི། །བཟང་ཤིང་ཕྱེ་མར་གསུར་དུད་ལ། །ནམ་མཁའ་མཛོད་ཀྱི་སྔགས་རྒྱས་བརླབས། །ཨོཾ་ཨཱཿཧཱུྃ། ཆོས་རྣམས་རང་བཞིན་སྟོང་པའི་ངང་ཉིད་ལས། །བདག་ཉིད་ཡི་དམ་ལྷར་གསལ་ཐུགས་ཀ་ནས། །འཕྲོས་པའི་འོད་ཀྱིས་མགྲོན་རྣམས་སྐད་ཅིག་ལ། །སྤྱན་དྲངས་དགྱེས་པའི་གདན་ལ་བཞུགས་སུ་གསོལ། །ཨ་བཛྲ་སྠཱན་པ་ཏི་ས་པ་རི་ཝཱ་ར་ས་མཱ་ཛ། པདྨ་ཀ་མ་ལ་ཡེ་ཧཱུྃ། ཧཱུྃ། གདོད་ནས་སྟོང་ཆེན་གཉུག་མའི་རང་མདངས ལས། །མ་འགགས་ཐབས་ཤེས་སྒྱ་མར་འཕྲུལ་པའི་མགྲོན། །རྩ་གསུམ་དམ་ཅན་སྤྱི་དང་ཁྱད་པར་དུ། །དབེན་གནས་གཉེན་པོ་ཁྲ་དཀར་སེ་གསུམ་
ལ། །རྟེན་བཅས་བ་་་་་གསུམ་སྤྱན་སྔར་དམ་མནོས་པའི། །རྡོ་རྗེའི་ཆོས་སྲུང་སྡེ་གསུམ་དྲེགས་པའི་ཚོགས། །མ་ལུས་འཁོར་འདས་དགྱེས་པའི་མཆོད་སྤྲིན་ནི། །ངོ་བོ་ཟག་མེད་ཡེ་ཤེས་བདུད་རྩི་ལ། །རྣམ་པ་དུད་སྤྲིན་ས་དང་བར་སྣང་ཁྱབ། །བདེ་ཆེན་འདོད་རྒུའི་རྣམ་རོལ་མཐའ་ཀླས་པ། མི་ཟད་ནམ་མཁའ་མཛོད་དུ་སྤྲོས་པ་འདིས། །སྐྱབས་གནས་དཀོན་མཆོག་གསུམ་དང་རྩ་བ་གསུམ། །འདས་དང་མ་འདས་ཆོས་སྲུང་རྒྱ་མཚོ་བསང་། །དངོས་གྲུབ་སྩོལ་ལ་རྣམ་བཞིའི་ཕྲིན་ལས་སྒྲུབས། །ཁྱད་པར་ཡུལ་འདིའི་གཞི་བདག་གནས་ཀྱི་བདག །གབ་སྦས་རྟག་ཆགས་མིང་མཚན ཐོན་མ་ཐོན། །ཞི་ཆགས་ཁྲོ་བོའི་ཚུལ་འཆང་མ་ལུས་བསང། །ཐུགས་དམ་དགྱེས་སྐོང་འགལ་འཁྲུལ་ཅི་མཆིས་བཤགས། །ཀོ་ལོང་རུ་ང་འཁུ་ལྡོག་
མ་མཛད་པར། །ཕྱོགས་བཅུ་ཀུན་དང་ཁྱད་པར་དབེན་གནས་འདིའི། །ཡོན་མཆོད་མི་ནོར་རྣལ་འབྱོར་་་་་བ་མཆོག་ལ། །མེལ་ཚེ་ཁ་མགོན་སྡོང་གྲོགས་མ་གཡེལ་བར། །ནད་གདོན་ཞི་དང་ཚེ་བསོད་ཡོན་ཏན་རྒྱས། །ཁམས་གསུམ་དབང་བསྡུས་དགྲ་བགེགས་རྡུལ་དུ་རློགས། །མདོར་ན་བདག་ཅག་བྱང་ཆུབ་བསྒྲུབ་པ་ལ། །བར་དུ་གཅོད་པའི་འགལ་རྐྱེན་ཀུན་སོལ་ལ། །ལེགས་པའི་མཐུན་རྐྱེན་ཡིད་བཞིན་ལྷུན་གྲུབ་ནས། །དོན་གཉིས་དགའ་སྟོན་མཆོག་ཏུ་རྒྱས་པ་དང། །བཀྲ་ཤིས་སྣང་བས་ས་གསུམ་ཡོངས་འགེངས་ཤོག །ཅེས་པའང་དབེན་པའི་གནས་མཆོག་ཁྲ་ཆོག་གྲུ་འཛིན་གཉིས་པའི་གནས་འཛིན་བཙུན་མ་རྣམས་ནས་དར་བཅས་བསྐུལ་ངོར་རྒྱལ་ཁམས་པ་བཛྲ་ཀྲོ་དྷཱ་རཱཛས་གང་དྲན་ཆལ་ཆོལ་དུ་བྲིས་པའོ།། །།
ཤོག་སྟོང་།