གདན་རབས་བཞི་པ་རྒྱ་བླ་མ་རིག་འཛིན་རྣམ་རྒྱལ་ནི།

རབ་བྱུང་བཅོ་ལྔ་པའི་ནང་རྒྱ་བླ་བྲང་དུ་ལྷ་མོ་ཚེ་རིང་དང་ཡབ་ཡུམ་གཅིག་པར་འཁྲུངས། ཡོངས་གྲགས་སུ་དབོན་པོ་རིག་ཐོ་ཞེས་མཚན་དུ་འབོད། རྒྱ་ལྷ་མོ་ཚེ་རིང་གི་སྐུ་ཚེའི་དཀྱིལ་ཙམ་དུ་རྗེ་འདིས་གཡུ་དགོན་དུ་རྒྱལ་ཚབ་གདན་རབས་བཞི་པའི་འོས་འགན་བཞེས། གཡུ་རོང་བཀོད་ལེགས་དགོན་དུ་ཡང་གྲུབ་དབང་གོང་མའི་ཕྱག་སྲོལ་ལྟར་གཟིགས་སྐྱོང་མཛད། འོན་ཀྱང་སྐུ་ཚེ་མཐར་མ་ཕྱིན་པར་འདས་ཤིང་སླར་ཡང་རྒྱ་ལྷས་གདན་རབས་འཕྲོ་མཐུད་པར་སྣང་། དེ་ཙམ་ལས་རྣམ་ཐར་ཞིབ་རྒྱས་མ་རྙེད།