བདེན་གཉིས་འཇོག་ཚུལ་སོ་སོར་བསྟན་པ་ལ་གཉིས་ལས།
བདེན་གཉིས་འཇོག་ཚུལ་སོ་སོར་བསྟན་པ་ལ་གཉིས་ལས།
༡ རང་སྟོང་སྨྲ་བའི་བཞེད་ཚུལ།དེ་ནས། རྩ་བར། ཀུན་རྫོབ་དང་དོན་དམ་ཡང་འཇོག་ལུགས་མི་འདྲ་སྟེ། རང་སྟོང་བ་རྣམས་ནི་འཁོར་འདས་ཀྱིས་བསྡུས་པའི་ཆོས་འདི་ལྟར་སྣང་བ་ནི་ཀུན་རྫོབ་ཡིན་ལ། དེ་རྣམས་རང་བཞིན་མེད་པ་གང་ཡིན་པ་དེ་ནི་དོན་དམ་བདེན་པར་འཇོག་སྟེ། དོན་དམ་དེ་ཡང་སྤྲོས་པ་ཐམས་ཅད་དང་བྲལ་ཙམ་ལ་འཇོགཅེས་གསུངས་ཏེ། ཀུན་རྫོབ་དང་དོན་དམ་འཇོག་ལུགས་ཀྱང་མི་འདྲ་བར་གསུངས་པ་དེ། རང་སྟོང་པ་རྣམས་ནི་འཁོར་འདས་ཀྱིས་བསྡུས་པའི་ཆོས་འདི་ལྟར་སྣང་བ་ནི་ཀུན་རྫོབ་ཡིན་ལ། དེ་རྣམས་རང་བཞིན་མེད་པ་གང་ཡིན་པ་དེ་ནི་དོན་དམ་བདེན་པར་འཇོག་སྟེ། དོན་དམ་དེ་ཡང་སྤྲོས་པ་ཐམས་ཅད་དང་བྲལ་ཙམ་ལ་འཇོགཅེས་གསུངས་པ་དེ་བདེན་གྲུབ་ཀྱི་སྤྲོས་པ་དང་བྲལ་བའི་བདེན་མེད་མེད་དགག་ཅིག་རེད། དེ་ཆོས་རྣམས་ཀྱི་གནས་ལུགས་མཐར་ཐུག་ཏུ་འཇོག་པ་རེད་ཅེས་རང་སྟོང་པ་རྣམས་ཀྱི་ནང་ནས། རིབོ་དགེ་ལྡན་པ་ལྟ་བུས་དེ་འདྲ་གསུངས་ཡོད་པ་རེད།