ཞར་བྱུང་གཡུ་ཁོག་རྒྱ་བླ་བྲང་ཚང་གི་ཁྱིམ་རྒྱུད་གྱེས་ཚུལ་ནི།
དད་དམ་གྱི་ནོར་གྱིས་ཕྱུག་པའི་རྒྱ་རིགས་ཤིང་བཟོ་བ་ཆན་ཏཱ་དང་། མ་ཡུམ་གཡུ་ཁོག་ཨ་འཛི་བཟའ་༼དངོས་མིང་མི་གསལ།༽གཉིས་ཀྱི་སྲས་༼༡ རྒྱ་སྤྲུལ་རིག་འཛིན་ལུང་རིག་གླིང་པ་དང་། ༼༢ རྒྱ་འཛིན་མེད། ༼༣ སྲིང་མོ་གཅིག་བཅས་གསུམ། ༼༡ རྒྱ་སྤྲུལ་ལུང་རིག་གླིང་པ་ནི་རྟེན་རབ་བྱུང་དུ་བཞུགས། ༼༢ རྒྱ་འཛིན་མེད་ལ་སྲས་རྒྱ་ལྷ་མོ་ཚེ་རིང་། དབོན་རིག་འཛིན་རྣམ་རྒྱལ། རྒྱ་ལྷ་མོ་ཚེ་རིང་ལ་སྲས་རྒྱ་ཆོས་རིས་ཐུབ་བསྟན་བྱང་ཆུབ་རྡོ་རྗེ། ནགས་སྤྲུལ་རིག་མཆོག་རྡོ་རྗེ། བླ་མ་ཚེ་འཕན། ཆོས་ཤུལ་བླ་མ་ཐུབ་བསྟན་ཉི་མ། ཕུན་ཚོགས་དབང་མོ་ལྔ། ༼༣ སྲིང་མོ་ལ་བུ་མོ་རྒྱ་བཟའ་འབའ་ལོ། ཨུ་རྒྱན་སྒྲོན་མ། ཇོ་མོ་ཚེ་དཔལ། བུ་རྒྱ་རྣ་རིས། རྒྱ་གྲགས་འབེས་དང་ལྔ། རྒྱ་བཟའ་འབའ་ལོ་ལ་རྒྱ་བླ་མ་ཐུབ་བསྟན་རང་བྱུང་། བླ་མ་མི་འགྱུར་རྡོ་རྗེ། བླ་མ་བསོད་ནམས་བསྟན་རྒྱས། འཇམ་དབྱངས་ལུང་རིག་རྒྱ་མཚོ། བུ་མོ་རྒྱ་གདོར་མ། རྒྱ་སྐར་མ། རྒྱ་བསོ་མ་བདུན། ཨུ་རྒྱན་སྒྲོན་མ་ལ་བུ་མོ་ཕུན་ཚོགས་སྒྲོན་མ། ཕུན་ཚོགས་སྒྲོན་མ་ལ་བུ་མོ་མགོན་སྐྱིད་དང་། ནོར་འཛིན་གཉིས་སོ།། རྒྱ་རྣ་རིས་ལ་བུ་ཚེ་འཛིན་རྡོ་རྗེ། བདེ་དགའ། རྒྱ་གྲགས་འབེས་ལ་བུ་སྟོབས་ལྡན་སོགས་ཡོད་པར་ཐོས་སོ། །དེ་དག་ལས་རྒྱ་བླ་བྲང་གི་ཁྱིམ་གཅིག་ཏུ་འཁྲུངས་པའི་དམ་པའི་སྐྱེས་བུ་ནི། རྒྱ་སྤྲུལ་ལུང་རིག་གླིང་པ། རྒྱ་ལྷ་མོ་ཚེ་རིང་། རྒྱ་རིག་འཛིན་རྣམ་རྒྱལ། རྒྱ་ཆོས་རིས། རྒྱ་ཐུབ་བསྟན་རང་བྱུང་། རྒྱ་མི་འགྱུར་རྡོ་རྗེ། རྒྱ་བསོད་ནམས་བསྟན་རྒྱས། རྒྱ་འཇམ་དབྱངས་ལུང་རིག་རྒྱ་མཚོ་སོགས་ཡིན་ནོ། །