སྦྱང་གཞི་སོགས་ཆོས་དཔེ་དང་བཅས་ཏེ་བསྟན་པ།
བདུན་པ་སྦྱང་གཞི་སོགས་ཆོས་དཔེ་དང་བཅས་ཏེ་བསྟན་པ་ནི། རྫོགས་ལྡན་ཆོས་མཆོག་ཁྱད་པར་འཕགས་རྣམས་སུ། །སྦྱང་གཞི་ཀུནགཞི་ཡེ་ཤེས་ནམ་མཁའ་འདྲ། །སྦྱང་བྱ་གློ་བུར་དྲི་མ་སྤྲིན་དང་འདྲ། །སྦྱོང་བྱེད་ལམ་བདེན་མི་ཟད་རླུང་དང་འདྲ། །སྦྱང་འབྲས་བྲལ་འབྲས་སྤྲིན་སངས་ནམ་མཁའ་འདྲ། །རྩ་བར། རྫོགས་ལྡན་ཆོས་མཆོག་ཁྱད་པར་འཕགས་རྣམས་སུ། །ཞེས་པ་ནས། སྤྲིན་སངས་ནམ་མཁའ་འདྲ། ཞེས་པའི་བར་ཤོ་ལོ་ཀ་གཅིག་དང་རྐང་བ་གཅིག་བྱུང༌། དེའི་ཚིག་དོན་ནི། རྫོག༵ས་ལྡན༵་ཆོས༵་མཆོག༵་ཁྱད༵་པར༵་འཕག༵ས་པ་རྣམ༵ས་སུ༵་སྦྱང༵་གཞི༵་ཀུན༵་གཞི༵་ཡེ༵་ཤེས༵་ནི་དཔེ་ན༵མ་མ༵ཁའ་དང་འདྲ༵་བར་གསུངས་པ་དང༌། སྦྱང༵་བྱ༵་གློ༵་བུ༵ར་གྱི་དྲི༵་མ༵་ནི་སྤྲི༵ན་དང༵་འདྲ༵་བར་གསུངས་པ་དང༌། སྦྱོ༵ང་བྱེ༵ད་ལ༵མ་བདེ༵ན་ནི་མི༵་ཟ༵ད་པའི་རླུ༵ང་ད༵ང་འདྲ༵་བར་གསུངས་པ་དང༌། སྦྱང༵་འབྲས༵་སམ་བྲལ༵་འབྲས༵་ནི་སྤྲིན༵་སངས༵་པའི་ནམ༵་མཁ༷འ་དང་འདྲ༵་བར་ཆོས་དཔེ་དང་བཅས་ཏེ་ལེགས་པར་གསུངས་སོ། །