༡ ཨོ་རྒྱན་པད་ཞུ།
ཨོ་རྒྱན་པད་ཞུ་ནི། ཏ་ཟིག་སོགས་ནས་དར་བ་སྟེ། གསེར་ཐང་ལས། ཨོ་རྒྱན་པད་ཞུ་འདི་ལ་ཉི་ཟླའི་རྟགས་དང་རྒོད་ཕྲུ་བཙུགས་པ་ནི། རྒྱ་གར་ཏ་ཟིག་སོགས་ཀྱི་རྒྱལ་བོ་རྣམས་ཀྱི་སྔོན་གྱི་ཆས་ལ་ཡོད་ཅིང་། དེ་ཡང་དར་ཐོད་ཀྱི་སྟེང་དུ་བྱས་ལ་ཞྭ་མོ་རང་དབྱིབས་འདི་ལྟ་བུ་གྱོན་པ་ཡང་སྔོན་གྱི་སང་ག་ལའི་རྒྱལ་བོ་འགའ་ལ་ཡོད་འདུག་པ་དཔེ་རིས་སུ་བཀོད་པ་དེ་ཡིན་ཅིང་། འདིའི་རྣ་ལེབ་གཡས་གཡོན་གཉིས་ཀྱི་དབྱིབས་མཚམས་འདིར་ཤྭ་བའི་རྣ་བ་དང་འདྲ་བས་ཤྭ་བའི་སྙན་ཞུ་སྟེ། ཞུ་ནི་ཞྭའི་དོན་ཡིན་ལ། ཕྱིས་གཉེན་ཞུ་ཞེས་པར་བྲིས། ཞེས་གསུངས་པ་ལས་རྟོགས་ནུས་སོ། །