མཁན་རབས་གཉིས་པ་རིག་འཛིན་ཀུན་བཟང་ཤེས་རབ་ཀྱི་རྣམ་འཕྲུལ་རི་ཤུལ་མཁན་པོ་སངས་རྒྱས་འོད་ཟེར།

མཁན་རབས་གཉིས་པ་རིག་འཛིན་ཀུན་བཟང་ཤེས་རབ་ཀྱི་རྣམ་འཕྲུལ་རི་ཤུལ་མཁན་པོ་སངས་རྒྱས་འོད་ཟེར་ནི།

རབ་ཚེས་ས་གླང་ལོར་འཁྲུངས། མདོ་དང་སྔགས་ཀྱིས་བསྡུས་པའི་ཆོས་ཐུགས་གཉེར་དཔྱིས་ཕྱིན་པར་གནང་བས་མཁས་པའི་དབང་པོར་གྱུར། ལོ་འགའ་ལ་རང་དགོན་གྱི་དབྱར་གནས་མཁན་པོར་བཞུགས་ཤིང་ལེགས་བཤད་གསེར་ཕྲེང་དང་སྤྱོད་འཇུག་འདུལ་བ་སོགས་ཀྱི་འཆད་ཉན་ཀྱང་མཛད། རྗེས་སོར་རང་དགོན་གྱི་བླ་འཚབ་ཏུ་ངེས་དོན་ཐེག་མཆོག་ཆོས་འཁོར་གླིང་དུ་ཕེབས་ཏེ་བསྟན་འགྲོའི་དོན་མཛད་དོ། །