གསེར་སྐྱེམས་བསྡུས་པ་ཡིད་བཞིན་བདུད་རྩིའི་མཆོད་སྤྲིན།
རཾ་ཡཾ་ཁཾ། ཨོཾ་ཨཱཿཧཱུྃ། གསེར་སྐྱེམས་ཟག་པ་མེད་པ་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར།།
ཧཱུྃཿ མི་མངོན་ཆོས་ཀྱི་དབྱིངས་ན་རྟག་བཞུགས་པའི།།
རིག་འཛིན་རྩ་བ་བརྒྱུད་པའི་བླ་མ་ལ།།
གསེར་སྐྱེམས་
གཙང 
་མའི་མཆོད་པ་འདི་འབུལ་བས།།
མི་གནས་ཡེ་ཤེས་བརྙེས་པའི་ཕ་ཕོགས་སྩོལ།།
འགྲོ་འདུལ་ཐུགས་རྗེའི་རོལ་བ་ཞི་ཁྲོའི་སྐུ།།
ཡི་དམ་རྒྱུད་སྡེ་བཞི་ཡི་ལྷ་ཚོགས་ལ།།
གསེར་སྐྱེམས་ གཙང ་མའི་མཆོད་པ་འདི་འབུལ་བས།།
བླ་མེད་མཆོག་གི་བྱིན་རླབས་ཐོབ་པར་མཛོད།།
སྣ་ཚོགས་གཟུགས་འཆང་ལས་དང་ཡེ་ཤེས་ཀྱི།།
གནས་གསུམ་དཔའ་བོ་མཁའ་འགྲོའི་ཚོགས་བཅས་ལ།།
གསེར་སྐྱེམས་ གཙང ་མའི་མཆོད་པ་འདི་འབུལ་བས།།
རྣམ་བཞིའི་ཕྲིན་ལས་འགྲུབ་པའི་དངོས་གྲུབ་སྩོལ།།
རྫོགས་ཆེན་སྙིང་ཐིག་བསྟན་པའི་བཀའ་སྲུང་ཆེ།།
མ་མགོན་གཟའ་རྒོད་དམ་ཅན་རྡོར་ལེགས་ལ།།
གསེར་སྐྱེམས་ གཙང ་མའི་མཆོད་པ་འདི་འབུལ་བས།།
གསང་ཆེན་བསྟན་པ་དར་ཞིང་རྒྱས་པར་མཛོད།།
དུས་ཀུན་འབྲལ་མེད་འགྲོག་པའི་བཀའ་སྲུང་མཆོག།
སྨན་བཙུན་བཀྲ་ཤིས་ཚེ་རིང་མཆེད་ལྔ་ལ།།
གསེར་སྐྱེམས་ གཙང ་མའི་མཆོད་པ་འདི་འབུལ་བས།།
བརྟན་གཡོའི་ཚེ་གཡང་བསོད་ནམས་གནས་འདིར་བསྡུས།།
དབང་དྲག་བཀའ་ཡི་ཕོ་ཉ་དྲེགས་པའི་གཙོ།།
གནོད་སྦྱིན་ཙིའུ་དམར་པོ་འཁོར་བཅས་ལ།།
གསེར་སྐྱེམས་ གཙང ་མའི་མཆོད་པ་འདི་འབུལ་བས།།
དགྲ་གདོན་དམ་སྲིའི་འཚེ་བ་ཕྱེ་མར་རློགས།།
མཐུ་ཆེན་སྲོག་གི་བདག་པོ་པེ་ཧ་ར།།
གསུང་བློན་རྒྱལ་ཆེན་རྡོ་རྗེ་གྲགས་ལྡན་ལ།།
གསེར་སྐྱེམས་ གཙང ་མའི་མཆོད་པ་འདི་འབུལ་བས།།
དྲེགས་ལྡན་སྐྱེ་བོའི་ཡིད་སེམས་འཆིང་བར་མཛོད།།
གཏུམ་དྲག་གློག་ལྟར་མྱུར་བའི་རྩལ་ཤུགས་ཅན།།
གྲི་བཙན་ཆེན་པོ་རྡོ་རྗེ་དགྲ་འཇོམས་ལ།།
གསེར་སྐྱེམས་ གཙང ་མའི་མཆོད་པ་འདི་འབུལ་བས།།
དགྲ་སྲོག་མྱུར་དུ་གཅོད་པའི་ཕྲིན་ལས་མཛོད།།
སྣང་སྲིད་དབང་སྡུད་གེ་སར་དགྲ་ལྷའི་རྒྱལ།།
དཔའ་བརྟུལ་ཕུ་ནུ་ཝེར་མ་རླུང་རྟའི་ལྷར།།
གསེར་སྐྱེམས་ གཙང ་མའི་མཆོད་པ་འདི་འབུལ་བས།།
ཕྱོགས་ལས་རྣམ་རྒྱལ་སྙན་དང་གྲགས་པ་སྤེལ།།
ཡུལ་ལྷ་རྨ་ཆེན་སྤོམ་ར་སྲས་དང་བློན།།
རྨ་འཁོར་སུམ་བརྒྱ་དྲུག་ཅུས་བསྐོར་བ་ལ།།
གསེར་སྐྱེམས་ གཙང ་མའི་མཆོད་པ་འདི་འབུལ་བས།།
རྨ་གཡང་ཟད་མེད་འདོད་དགུའི་དངོས་གྲུབ་སྩོལ།།
རྫ་ཡི་རྫ་རྒྱལ་རྡོ་རྗེ་འཕེན་ཕྱུག་དང་།།
རུ་དམ་གནས་བདག་ནོར་བུ་གཡུལ་རྒྱལ་ལ།།
གསེར་སྐྱེམས་ གཙང ་མའི་མཆོད་པ་འདི་འབུལ་བས།།
ཁ་མགོན་གདོང་གྲོགས་མ་གཡེལ་མེལ་ཚེ་གྱིས།།
ཁྱད་པར་སྐྱེས་ལྷ་ཨ་མཐོ་ཕྱུག་མོ་སོགས།།
ཕ་མྱེས་རྒྱུད་ཀྱི་ཡུལ་གཞིའི་གནས་བདག་ལ།།
གསེར་སྐྱེམས་ གཙང ་མའི་མཆོད་པ་འདི་འབུལ་བས།།
མི་འབྲལ་ལྷ་ཞལ་དཀར་པོས་གཏན་དུ་སྐྱོངས།།
མདོར་ན་གཞི་ལམ་བྱེས་གསུམ་གང་དུ་ཡང་།།
མཆོད་ཅིང་བསྙེན་པའི་ལྷ་མཆོག་ཁྱེད་རྣམས་ཀྱིས།།
རྣལ་འབྱོར་བདག་ཅག་སྲུང་ཞིང་སྐྱོབ་པ་དང་།།
སངས་རྒྱས་བསྟན་པ་དར་བའི་ཕྲིན་ལས་སྒྲུབས།།
མཆོག་གསུམ་སྲུང་མའི་བྱིན་རླབས་སྙིང་ལ་ཞུགས།།
ལས་དབང་བསོད་ནམས་ལེགས་ཚོགས་ངང་གིས་འཕེལ།།
བསམ་པའི་དོན་རྣམས་ཐོགས་མེད་ཡིད་བཞིན་འགྲུབ།།
ཕུན་ཚོགས་བདེ་དགའ་རྒྱ་མཚོའི་བཀྲ་ཤིས་ཤོག།
ཅེས་པའང་སྲིང་ཆུང་དོན་འགྲུབ་སྒྲོལ་མའི་རྒྱུན་འདོན་གྱི་ཆེད་དུ། ཟི་ལིང་མཁར་ནས་པདྨ་སྐལ་བཟང་དེས་བྲིས།།