འགྱུར་མེད་ཡོངས་གྲུབ་དང་དབུ་མ་ཆེན་པོ་གཅིག་ཉིད་དུ་བསྟན་པ་དང་ལུགས་གཞན་དགག་པ།
དང་པོ་ལ་འགྱུར་མེད་ཡོངས་གྲུབ་དང་དབུ་མ་ཆེན་པོ་གཅིག་ཉིད་དུ་བསྟན་པ་དང་ལུགས་གཞན་དགག་པ་དང་གཉིས། དང་པོ་ནི། རྩ་བར། ཡོངས་གྲུབ་དབུ་མ་མིང་ཙམ་ཐ་དད་གྱི། །དོན་ལ་ཐ་དད་མེད་པ་རྫོགས་ལྡན་ལུགས། །ཞེས་བྱུང༌། དེའི་ཚིག་དོན་ནི། དོན་དམ་འགྱུར་བ་མེད་པའི་ཡོང༵ས་གྲུབ༵་དང་དབུ༵་མ༵་ཆེན་པོ་གཉིས་ཀྱི་མིང༵་ཡོངས་གྲུབ་ཅེས་པ་དང༌། དབུ་མ་ཞེས་པ་མིང་ཙམ༵་ཐ༵་དད༵་ཡིན་གྱི༵་དོན༵་ལ༵་དེ་གཉིས་ཐ༵་དད༵་མེད༵་པ༵་ཡིན་པར་གྲུབ་པ་ནི། རྫོག༵ས་ལྡན༵་ཆོས་མཆོག་གི་ལུགས༵་ཡིན་ནོ། །