ཆོས་ཀྱི་རྒྱལ་པོ་ཨ་བུ་དགའ་དགའ་རིན་པོ་ཆེ།
༈ བདག་ཅག་ལྟོས་བཅས་རྣམས་ཀྱི་གཉེན་མཆོག་ཆོས་ཀྱི་རྒྱལ་པོ་ཨ་བུ་དགའ་དགའ་རིན་པོ་ཆེའི་ཞབས་པད་ལྷ་བརྒྱས་བརྟེན་པའི་ཉེ་དྲུང་དུ། དད་ཕྱག་གཡོ་བཞིན་གུས་གསོལ།
ཐུབ་སྨོན་ཞེས་པ་དང་བསམ་གཏན་རྡོ་རྗེའི་མཚན་ཅན་གྱི་གྲྭ་བཙུན་འདི་གཉིས་ངེད་རང་འདི་ཀའི་བཤད་གྲྭའི་ནང་ནས་རྣམ་པར་དག་པའི་ཀུན་སྤྱོད་ཞི་དུལ་ལ་གནས་ཤིང་ངང་རྒྱུད་ཞིབ་པ་དེ་འདྲ་ལགས་པས། སྐྱབས་རྗེ་ཉིད་ཀྱི་མདུན་ནས་སེམས་ཁྲིད་དང་ཉམས་ལེན་རང་ཐག་ཆོད་པ་ཞིག་གི་རེ་འདུན་གྱིས་སྐུ་མདུན་དུ་བཅར་བ་ལགས་པས། བརྩེ་ཆེན་གྱི་གཟིགས་པའི་སྤྱན་དཀྱུས་ཡངས་པའི་ངོས་ནས་རྗེས་འཛིན་མཛད་པར་རྒན་བུ་སྐྱབས་འོག་པ་ནས་གུས་པ་ཆེན་པོས་སྙིང་ནས་ཞུ་ཞིང་གསོལ་བ་འདེབས་པ་ལགས།
སླད་ཆར། ཐེག་རྩེ་ཨ་ཏིའི་བསྟན་པའི་བ་དན་སྲིད་རྩེར་བསྒྲེངས་ནས་རྣམ་དཀར་ཕྲིན་ལས་ཀྱི་འོད་སྣང་འབུམ་དུ་བརྡལ་བས་ས་གསུམ་ཡོངས་ལ་ཁྱབ་བཞིན་སྐུ་ཁམས་མི་ཤིགས་ཆོས་བདུན་གྱི་ངོ་བོར་བཞུགས་པར་གསོལ་བ་ལན་བརྒྱར་འདེབས་པ་ལགས་པས་སྐྱབས་རྗེ་ཉིད་དང་རྩ་གསུམ་བསྟན་སྲུང་བཅས་པས་དེ་བཞིན་འགྲུབ་པའི་བདེན་ཚིག་འགྱུར་མེད་ཀྱི་མཐུན་འགྱུར་བཅས་ཞུ་ཞུ།
བོད་༦ཟླ་༡༡ལ་སྐྱབས་འོག་པ་རྒན་བུ་པན་ཚེ་ནས་ཞུ་འདེགས་བཅས་དད་ཕྱག་གིས་ཕུལ་བ་དགེ་དགེ།