གཉིས་པ་རང་ལུགས་བཞག་པ།
གཉིས་པ་རང་ལུགས་བཞག་པ་ལ།
མཚན་ཉིད། དབྱེ་བ་གཉིས། དང་པོ་ནི། རང་འདྲེན་བྱེད་ཀྱི་ཚད་མ་སྔ་མས་རྟོགས་ཟིན་པའི་དོན་སླར་རྟོགས་པའི་བློ་དེ་བཅད་ཤེས་ཀྱི་མཚན་ཉིད་ཡིན་ཏེ། གཏན་ཚིགས་རིགས་པའི་དོན་བསྡུས་ལས། རང་གི་ཚད་མ་སྔ་མས་བཟུང་ཟིན་གྱི་དོན་ལ་བསྣན་ནས་འཇུག་པའི་ཤེས་པ་ཞེས་པའོ། །ཞེས་གསུངས་པའི་ཕྱིར། དཔྱད་ཤེས་སམ་བཅད་ཤེས་ནི། རང་འདྲེན་བྱེད་ཀྱི་ཚད་མ་སྔ་མས་རྟོགས་ཟིན་པའི་དོན་དེ་ལ་ཚད་མའི་བྱེད་པ་མ་ཉམས་པའི་སྒོ་ནས་དོན་དེ་ལ་སླར་ཡང་འཛིན་པར་བྱེད་པ་སྟེ་བསྣན་ནས་འཛིན་པར་བྱེད་པ་ལས་རང་གི་ཡུལ་དེ་གསར་དུ་རྟོགས་པ་དང་སྒྲོ་འདོགས་གསར་དུ་གཅོད་པའི་ལས་མི་བྱེད་པའི་རིག་པ་དེའོ། །
སྒྲ་བཤད་ནི།