སྒྲོ་འདོགས་བཅད་ཟིན་པ་སླར་ཤེས་པས་ན་བཅད་ཤེས་ཞེས་བརྗོད་པའི་ཕྱིར།
སྒྲོ་འདོགས་བཅད་ཟིན་པ་སླར་ཤེས་པས་ན་བཅད་ཤེས་ཞེས་བརྗོད་པའི་ཕྱིར།
གཉིས་པ་དབྱེ་བ་ལ།
མངོན་སུམ་གྱི་དྲངས་པའི་བཅད་ཤེས་དང༌། རྗེས་དཔག་གི་དྲངས་པའི་བཅད་ཤེས་གཉིས་ཡོད་ལ། ཡང་ན་མངོན་སུམ་གྱི་རྒྱུན་དུ་གྱུར་བའི་བཅད་ཤེས་དང༌། རྗེས་དཔག་གི་རྒྱུན་དུ་གྱུར་བའི་བཅད་ཤེས་དང༌།དེ་གཉིས་གང་རུང་མ་ཡིན་པའི་བཅད་ཤེས་དང་གསུམ་ཡོད། དང་པོ་མངོན་སུམ་གྱི་རྒྱུན་དུ་གྱུར་བའི་བཅད་ཤེས་ལ་དབྱེ་ན། དབང་མངོན་གྱི་བཅད་ཤེས། ཡིད་མངོན་ཀྱི་བཅད་ཤེས། རང་རིག་མངོན་སུམ་གྱི་བཅད་ཤེས། རྣལ་འབྱོར་མངོན་སུམ་གྱི་བཅད་ཤེས་དང་བཞི་ཡོད། དེ་དག་གི་མཚན་གཞི་རིམ་བཞིན། དབང་མངོན་ཚད་མ་སྐད་ཅིག་གཉིས་པ་དང༌། གཞན་སེམས་ཤེས་པའི་མངོན་ཤེས་སྐད་ཅིག་གཉིས་པ་དང༌། སྔོ་འཛིན་མིག་ཤེས་ཉམས་མྱོང་གི་རང་རིག་ཚད་མ་སྐད་ཅིག་གཉིས་པ་དང༌། སྡུག་བདེན་མི་རྟག་པ་རྟོགས་པའི་རྣལ་འབྱོར་མངོན་སུམ་སྐད་ཅིག་གཉིས་པ་ལྟ་བུའོ། །