སྟོང་པ་ལ་རང་སྟོང་དང་གཞན་སྟོང་གཉིས་སུ་དབྱེ་བ།
སྟོང་པ་ལ་རང་སྟོང་དང་གཞན་སྟོང་གཉིས་སུ་དབྱེ་བ།དེ་ནས།
རྩ་བར། སྟོང་པ་ལ་རང་སྟོང་དང་གཞན་སྟོང༌། ཞེས་གསུངས་ཏེ། སྟོང་པ་དབྱེ་གཞི་བྱས་ནས་དེ་ལ་དབྱེ་ན། རང་སྟོང་དང་གཞན་སྟོང་གཉིས་ཡོད་པ་རེད་ཅེས་དེ་ལྟར་གསུངས་པ་རེད། རང་སྟོང་དེ་ལ་ཀུན་རྫོབ་ཀྱི་ཆོས་ཐམས་ཅད་འཇོག་པ་དང༌། གཞན་སྟོང་དེ་ལ་དོན་དམ་ཆོས་ཀྱི་དབྱིངས་འོད་གསལ་བའི་སྐུ་དང་ཞིང་ཁམས་ཀྱི་རྣམ་པ་ཐམས་ཅད་པའི་བདག་ཉིད་དུ་གྲུབ་པ་དེ་འཇོག་གིན་ཡོད་པ་རེད། དེ་ཡང་འཇམ་པའི་དབྱངས་དངོས་ཉ་དབོན་ཀུན་དགའ་དཔལ་གྱི་བསྟན་པ་སྤྱི་འགྲེལ་གྱི་སྐབས་སུ་ཡང་དེ་ལྟར་གསུངས་ལ། དེ་ནང་བཞིན་དུ་ཐེག་མཆོག་དབུ་མའི་རྩ་བའི་སྐབས་སུ། ཀུན་རྫོབ་གང་ཡིན་རང་སྟོང་དང༌། །དོན་དམ་གང་ཡིན་གཞན་སྟོང་ཉིད་དུ་གསུངས། །ཞེས་དེ་ལྟར་གསུངས་པ་ནང་བཞིན་གྱིས་མདོར་ན་རང་ལུགས་ལ་སྟོང་ཉིད་དེ་ལ་རང་སྟོང་དང་གཞན་སྟོང་གཉིས་སུ་ཕྱེ་ནས་གསུང་གིན་ཡོད་པ་དེ་ལྟར་རེད།