མཁན་རབས་བདུན་པ་ཝ་དགེ་མཁན་པོ་པདྨ་ཐེག་མཆོག་ནི།

རབ་བྱུང་བཅོ་ལྔ་པའི་ཆུ་གླང་༼༡༩༡༣ ༡༩༥༩༽ལོར་གཡུ་ཁོག་ཏུ་ཝ་དགེ་ཞེས་པའི་རིགས་སུ་སྐུ་འཁྲུངས། ཆུང་དུས་ནས་སྙིང་རྗེ་ཆེ་ཞིང་ཆོས་ལ་མོས་པ། སྨྲ་བ་ཉུང་ཞིང་ཐོས་བསམ་ལ་བརྩོན་པ་ཞིག་ཡིན་པས་བླ་མ་ཀུན་མཁྱེན་གྱིས་གསེར་སྐུ་ཆུ་འཐུང་དུ་བཏགས། བླ་མ་ཀུན་མཁྱེན་སོགས་ལས་ཟབ་ཆོས་དུ་མ་གསན། རྫོགས་ཆེན་དུ་གྲྭ་སར་ཕེབས་ཏེ་གཞུང་ལུགས་ཀུན་ལ་སྦྱང་བ་མཛད། གཡུ་མཁར་བཤད་གྲྭའི་མཁན་རབས་བདུན་པའི་ཆོས་ཁྲིར་བཞུགས་ཏེ་འཆད་ཁྲིད་མཛད། དགུང་གྲངས་ཞེ་བདུན་བཞེས་སྐབས་དུས་འགྱུར་གྱི་བརྡབ་གསིག་ཁྲོད་སྐུ་གཤེགས།