བཅུ་དྲུག་པ་ནི། སྐབས་ཀུན་ཏུ་འཕགས་པའི་མཉམ་བཞག་ཅེས་པ་ཡང་སློབ་འཕགས་དང་སངས་འཕགས་ཀྱི་མཉམ་བཞག་གང་ལ་ངོས་འཛིན།
བཅུ་དྲུག་པ་ནི། སྐབས་ཀུན་ཏུ་འཕགས་པའི་མཉམ་བཞག་ཅེས་པ་ཡང་སློབ་འཕགས་དང་སངས་འཕགས་ཀྱི་མཉམ་བཞག་གང་ལ་ངོས་འཛིན། མཉམ་བཞག་གང་དང་གང་དོན་དམ་བདེན་པ་དང་ངོ་བོ་གཅིག་གམ་མི་གཅིག་ཅེས་པའི་ལན།
སྐབས་ཀུན་ཏུ་འཕགས་པའི་མཉམ་བཞག་ཅེས་པ་ཡང་སློབ་འཕགས་དང་སངས་འཕགས་ཀྱི་མཉམ་བཞག་གང་ལ་ངོས་འཛིན། མཉམ་བཞག་གང་དང་གང་དོན་དམ་བདེན་པ་དང་ངོ་བོ་གཅིག་གམ་མི་གཅིག་ཅེས་པའོ། །དེའི་ལན་ནི། འཕགས་པའི་མཉམ་བཞག་ཡེ་ཤེས་ལ་སློབ་འཕགས་ཀྱི་མཉམ་བཞག་དང༌།སངས་འཕགས་ཀྱི་མཉམ་བཞག་གཉིས་ཡོད་པ་ཡིན་ཏེ། ལམ་བདེན་དུ་གྱུར་བའི་མཐོང་སྒོམ་མཉམ་བཞག་ཡེ་ཤེས་དང་ཀུན་རྫོབ་གསར་བྱུང་གི་རྣམ་མཁྱེན་གཉིས་ཡོད་པའི་ཕྱིར།དེས་ན་འཕགས་པའི་མཉམ་བཞག་ཡེ་ཤེས་རང་ལྡོག་ནས་གང་ཡང་ཁས་མི་ལེན་པའོ། །དོན་དམ་མཉམ་བཞག་སོ་སོ་རང་རིག་པའི་གཉིས་མེད་ཡེ་ཤེས་དང༌། རང་བྱུང་ཡེ་ཤེས་དང༌། དབྱིངས་རིག་དབྱེར་མེད་ཀྱི་ཡེ་ཤེས་དང༌། འདུས་མ་བྱས་པའི་ཡེ་ཤེས་རྣམས་དོན་དམ་བདེན་པ་དང་ངོ་བོ་གཅིག་ཡིན་ནོ། །ཀུན་རྫོབ་ཀྱི་མཉམ་བཞག་རྣམས་དོན་དམ་བདེན་པ་དང་ངོ་བོ་གཅིག་དང་ཐ་དད་ལས་འདས་པའོ།། །།