གསུམ་པ་མ་མཐོང་བའི་ཉེས་དམིགས་བཤད་པ།
གསུམ་པ་མ་མཐོང་བའི་ཉེས་དམིགས་བཤད་པ་ནི།
མནར་མེད་ལ་སོགས་འཇིགས་རུང་བའི། །དམྱལ་བ་བསྟན་པ་གང་ཡིན་པ། །སློབ་དཔོན་ལ་ནི་སྨོད་པ་རྣམས། །དེར་ནི་གནས་པར་ཡང་དག་བཤད། །ཞེས་སྔར་བཤད་ལྟར་མན༷ར་མེ༷ད་པའི་དམྱལ་བ་དང༌། ངུ་འབོད་ཆེན་པོ་ལ༷་སོ༷གས་པའི་འཇི༷གས་སུ་རུ༷ང་ཞིང་བཟོད་པར་དཀའ་བ༷འི་དམྱ༷ལ་བ༷འི་གནས་བཅྭ་བརྒྱད་མདོ་སྡེ་རྣམས་སུ་བསྟ༷ན་ཅིང་བཤད་པ༷་ཚེ་ཚད་དང་བཅས་པ་ག༷ང་ཡི༷ན་པ༷་དེ་ནི་སློ༷བ་དཔོ༷ན་ལ༷་ནི༷་ངན་སེམས་ཀྱིས་སྨོ༷ད་པ༷་རྣ༷མས་དེ༷ར་ནི༷་བླ་མ་ལ་བརྙས་པའི་སྐྱེས་བུ་དེ་དག་སྡུག་བསྔལ་མྱོང་ནས་ངེས་པར་གན༷ས་དགོས་པ༷ར་ཡ༷ང་ད༷ག་པར་བཤ༷ད་པ་ཡིན་ནོ། །