སྲོལ་རྒྱུན་རིག་གནས་རྒྱུན་སྐྱོང༌།
སྲོལ་རྒྱུན་རིག་གནས་རྒྱུན་སྐྱོང༌།
ཁོར་ཡུག་སྲུང་སྐྱོབ་ཀྱི་སྲོལ་རྒྱུན་ནི། ས་གཉན་རྐོ་བ་དང་ཆུ་གཉན་དཀྲུག་པ་དང༌། ཤིང་གཉན་བཅད་པ་དང༌། བྲག་གཉན་བཤིག་པ་རྣམས་མི་རུང་བ་དང༌། རི་དྭགས་བསད་པ། ཁོར་ཡུག་འབག་བཙོག་སོགས་བྱས་ན་ཡུལ་ལྷ་སོགས་ལ་ཕོག་ཐུག་སོང་ནས་ནད་གདོན་འབྱུང་བར་སྔོན་གྱི་སྲིད་པ་རྒན་པོའི་ཞལ་རྒྱུན་ལྟར་ཡིན་ལ། ཤིང་ཚེ་རིང༌། བྲག་ཚེ་རིང༌། ཆུ་ཚེ་རིང༌། ཤ་ཚེ་རིང༌། བྱ་ཚེ་རིང༌། མི་ཚེ་རིང༌། ཞེས་ཚེ་རིང་རྣམ་དྲུག་གིས་ཁོར་ཡུག་སྲུང་སྐྱོབ་ཀྱི་རིགས་མང་པོ་བསྟན་ཡོད་པ་ལྟར་ལག་ལེན་བྱེད་དགོས། སྲོལ་རྒྱུན་གྱི་རིག་གནས་ནི། བོད་ཀྱི་མི་རབས་ཆགས་ནས་ཞིང་ལས་དང་འབྲོག་ལས་ཀྱི་སྲོལ་རྒྱུན་གྱི་རིག་གནས་བཟུང་ནས་འཚོ་བ་རོལ་འོང་བ་ལྟར་ད་ལྟའི་དུས་རབས་ཉེར་གཅིག་པའི་བྲེལ་ཟིང་གི་འཚོ་བ་རོལ་བའི་སྐབས་འདིར་རོང་འབྲོག་གི་འཚོ་བ་འདི་ལྷིང་འཇགས་ངང་ང་ཚོ་ལ་འོས་འཚམ་ཞིག་ཡིན་པ་གོར་མ་ཆགས་པ་ཡིན་པས། རོང་འབྲོག་གི་འཚོ་བ་འདི་ཁེ་ལས་ཅན་དུ་བསྒྱུར་ནས་རྒྱུན་སྐྱོང་བྱས་ན་ཕྱི་རྒྱལ་གྱི་ཡུལ་ཁམས་མང་པོར་ཞིང་འབྲོག་གི་ཁེ་ལས་ཀྱི་འཚོ་བ་ཡག་པོ་རྩི་བཞིན་ཡོད་པ་ཤེས་དགོས། དེ་བཞིན་དུ་མི་རིགས་གཞན་གྱིས་གྱོ་འགེབས་བྱེད་པ་སོགས་ཀྱི་ཁང་བ་དང་མི་འདྲ་བའི་རྩིགས་པ་རྩིགས་ལུགས་དང༌། ཀ་གདུང་དང་ཐོག་ཕུབ་སྟེང་སོགས་གཞན་དང་མི་འདྲ་བའི་བོད་ཀྱི་སྲོལ་རྒྱུན་མི་ནུབ་པར་འཛིན་སྐྱོང་བྱེད་དགོས། དགོན་སྡེ་རྣམས་ཀྱིས་གསེར་གྱི་རྒྱ་ཕིབས་མང་པོས་སེར་ལྷང་ལྷང་བཅས་ན་ཆོས་འཇིག་རྟེན་གང་ལ་བསམ་ན་ལེགས་པར་མ་མཐོང་ངོ༌། །འཛམ་གླིང་གི་ཡུལ་གྲུ་ཁག་ན་ཡང་རང་གི་སྲོལ་རྒྱུན་གྱི་སྐད་དང་ཡི་གེ། ཁང་བ་དང༌། གྱོན་ཆས། ཟ་མ་སོགས་སྲོལ་རྒྱུན་བཟང་པོ་རྒྱུན་སྐྱོང་བྱེད་དང་བྱེད་བཞིན་པའི་དུས་རབས་འདིར་ང་ཚོ་བོད་མི་རྣམས་ཀྱི་རང་རང་གི་ཁེ་དབང་ཡོད་པའི་སྲོལ་རྒྱུན་མི་ནུབ་རྒྱུན་སྐྱོང་གནང་རོགས་ཞུ། པཎ་ཆེན་རིན་པོ་ཆེའི་ཞལ་སྔ་ནས། བོད་ཡིན་ན་བོད་ལྭ་གྱོན་དགོས་བ་དང་བོད་སྐད་བཤད་དགོས། ཞེས་གསུངས་པ་ལྟར་བོད་ཡིན་ན་བོད་ཀྱི་སྲོལ་རྒྱུན་གྱི་རིག་གནས་འཛིན་དགོས། རང་ཉིད་ནས་འགོ་བརྩམ་དགོས་སོ། །ཞེས་སྲོལ་རྒྱུན་ལ་བཅང་བའི་བསམ་པས་ཀུན་ནས་བསླངས་ནས་དངོས་གྲུབ་དཔལ་གྱིས་བྲིས་པའོ། །མདོ་སྡེ་༼ཨཾ༽ལས། ཡང་དུས་དེའི་ཚེ་རྒྱལ་པོ་ཀྲྀ་ཀིས་མཚན་གཅིག་ལ་རྨི་ལམ་བཅུ་རྨིས་ཏེ། དེས་སྨྲས་པ། གླང་པོ་ཆེའི་རྒྱལ་པོ་སྐར་ཁུང་ནས་བྱུང་བ་ན་མཇུག་མ་ཕྲ་མོ་ཐོགས་པ་དང༌། སྐོམ་པའི་ཕྱི་ནས་ཁྲོན་པ་སྙེག་པར་རྨི་བ་དང༌། ཕྱེ་བྲེ་གང་དང་མུ་ཏིག་བྲེ་གང་ཚོང་བྱེད་པ་དང༌། ཙན་དན་དང་ཤིང་རིན་མཉམ་པར་བྱེད་པ་དང༌། ཀུན་དགའ་ར་བ་མེ་ཏོག་དང་འབྲས་བུ་ཕུན་སུམ་ཚོགས་པ་མ་བྱིན་པར་ལེན་པ་རྣམས་ཀྱིས་ཕྲོགས་པ་དང༌། གླང་པོ་ཆེ་ཕྲུ་གུས་སྤོས་ཀྱི་གླང་པོ་འཇིགས་པར་བྱེད་པ་དང༌། སྤྲེའུ་མི་གཙང་བས་གོས་པས་གཞན་ལ་སྐུད་པ་དང༌། སྤྲེའུ་རྒྱལ་པོར་དབང་བསྐུར་བར་མཐོང་བ་དང༌། རས་གཅིག་མི་བཅྭ་བརྒྱད་ཀྱིས་དྲས་ཀྱང་མ་རལ་བ་དང༌། སྐྱེ་བོའི་ཚོགས་ཆེན་པོ་གཅིག་ཏུ་འདུས་ནས་འཐབ་པ་དང༌། རྩོད་པ་དང་གཡུལ་འགྱེད་པ་དང་མཚང་འདྲུ་བར་གྱུར་པས་འཇིགས་པ་མཐོང་ངོ༌། །ཞེས་པ་ནས། བཅོམ་ལྡན་འདས་ཀྱིས་རྨི་ལམ་དེའི་འབྲས་བུ་འདིར་བདག་ལ་ལུང་བསྟན་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ་མ་འཇིགས་ཤིག ཁྱོད་ཀྱི་ཡུལ་འཁོར་ཉམས་པར་མི་འགྱུར་ལ། སྲོག་གི་བར་ཆད་དུ་ཡང་མི་འགྱུར་གྱིས། རྒྱལ་པོ་ཆེན་པོ་གཞན་དུ་ན་མ་འོངས་པའི་ཚེ་སྐྱེ་དགུའི་ཚེ་ལོ་བརྒྱ་ཐུབ་པ་ན་ཤཱཀྱ་ཐུབ་པ་ཞེས་བྱ་བ་ཡང་དག་པར་རྫོགས་པའི་སངས་རྒྱས་འབྱུང་སྟེ། དེའི་ཕྱི་མའི་དུས་ན་ཉན་ཐོས་རྣམས་ལུས་མ་བསྡམས་པ། སེམས་མ་བསྡམས་པ། ཚུལ་ཁྲིམས་མ་བསྡམས་པ། ཤེས་རབ་མ་བསྡམས་པ་འབྱུང་བར་འགྱུར་ཏེ། དེ་རྣམས་གཉེན་གྱི་ཚོགས་སྤངས་ནས་རབ་ཏུ་འབྱུང་བར་འགྱུར་ཏེ། དེ་ནས་གཙུག་ལག་ཁང་རྣམས་སུ་ཁྱིམ་གྱི་འདུ་ཤེས་འཇོག་པས་ཆགས་པར་འགྱུར་ཏེ། གླང་པོ་ཆེ་སྐར་ཁུང་ནས་བྱུང་བ་ན་དེའི་མཇུག་མ་ཐོགས་པ་ནི་དེའི་སྔ་ལྟས་ཡིན་ནོ། །རྒྱལ་པོ་ཆེན་པོ་ཁྱོད་ཀྱིས་སྐོམ་པའི་ཕྱི་ནས་ཁྲོན་པ་སྙེག་པར་རྨི་ལམ་དུ་མཐོང་བ་གང་ཡིན་པ་དེ་ནི་དེ་རྣམས་གཙུག་ལག་ཁང་གི་ནང་ན་ལྷན་ཅིག་གནས་པ་རྣམས་ལ་ཆོས་སྟོན་པར་འགྱུར་ཡང་དེ་རྣམས་ཉན་པར་འདོད་པར་མི་བྱེད་ཅིང་ཡིད་ལ་མི་འཇོག་སྟེ། དེའི་སྔ་ལྟས་ནི་འདི་ཡིན་ནོ། །རྒྱལ་པོ་ཆེན་པོ་ཁྱོད་ཀྱིས་ཕྱེ་བྲེ་གང་དང་མུ་ཏིག་བྲེ་གང་ཚོང་བྱེད་པར་རྨི་ལམ་དུ་མཐོང་བ་གང་ཡིན་པ་དེ་ནི་དེ་ཉིད་ཀྱི་ཉན་ཐོས་རྣམས་ཏེ། གང་བཟའ་བ་ཙམ་གྱི་དོན་དུ་དབང་པོ་དང་སྟོབས་དང་བྱང་ཆུབ་ཀྱི་ཡན་ལག་རིན་པོ་ཆེ་རྣམས་ཡང་དག་པར་སྟོན་པར་འབྱུང་བར་འགྱུར་ཏེ་དེའི་སྔ་ལྟས་ནི་འདི་ཡིན་ནོ། །རྒྱལ་པོ་ཆེན་པོ་ཁྱོད་ཀྱིས་ཙན་དན་དང་ཤིང་མཉམ་པོར་ཚོང་བྱེད་པར་རྨི་ལམ་དུ་མཐོང་བ་གང་ཡིན་པ་དེ་ནི་དེ་ཉིད་ཀྱི་ཉན་ཐོས་རྣམས་མུ་སྟེགས་ཀྱི་ཚིག་གང་ཡིན་པ་རྣམས་བཟུང་ནས་སངས་རྒྱས་ཀྱི་བཀའ་དང་སྙོམས་པ་འབྱུང་བར་འགྱུར་ཏེ་དེའི་སྔ་ལྟས་ནི་འདི་ཡིན་ནོ། །རྒྱལ་པོ་ཆེན་པོ་ཁྱོད་ཀྱིས་ཀུན་དགའ་ར་བ་འབྲས་བུ་ཕུན་སུམ་ཚོགས་པ་མ་བྱིན་པར་ལེན་པ་རྣམས་ཀྱིས་ཕྲོགས་པར་རྨི་ལམ་དུ་མཐོང་བ་གང་ཡིན་པ་དེ་ནི་དེ་ཉིད་ཀྱི་ཉན་ཐོས་ལུས་མ་བསྡམས་པ། སེམས་མ་བསྡམས་པ།ཚུལ་ཁྲིམས་མ་བསྡམས་པ། ཤེས་རབ་མ་བསྡམས་པ་རྣམས་འབྱུང་བར་འགྱུར་ཏེ། དེ་རྣམས་དགེ་འདུན་རྣམས་ཀྱི་མེ་ཏོག་གི་མཆོག་དང༌། འབྲས་བུའི་མཆོག་རྣམས་འཚོ་བའི་ཕྱིར་དགེ་འདུན་ལས་བཅད་ནས་ཁྱིམ་པ་རྣམས་ལ་སྟེར་བར་འགྱུར་ཏེ། དེའི་སྔ་ལྟས་ནི་འདི་ཡིན་ནོ། །རྒྱལ་པོ་ཆེན་པོ་ཁྱོད་ཀྱིས་གླང་པོ་ཕྲུ་གུས་སྤོས་ཀྱི་གླང་པོ་འཇིགས་པར་བྱེད་པར་རྨི་ལམ་དུ་མཐོང་བ་གང་ཡིན་པ་འདི་ནི་དེ་ཉིད་ཀྱི་ཉན་ཐོས་རྣམས་ཚུལ་ཁྲིམས་འཆལ་བ། སྡིག་པའི་ཆོས་ཅན་དེ་རྣམས་གང་དགེ་སློང་ཚུལ་ཁྲིམས་དང་ལྡན་པ། དགེ་བའི་ཆོས་ཅན་རྣམས་ཟིལ་གྱིས་གནོན་པར་བྱེད་པར་འགྱུར་ཏེ་དེའི་སྔ་ལྟས་ཡིན་ནོ། །རྒྱལ་པོ་ཆེན་པོ་ཁྱོད་ཀྱིས་སྤྲེའུ་མི་གཙང་བས་གོས་པས་གཞན་ལ་སྐུད་པར་རྨི་ལམ་དུ་མཐོང་བ་གང་ཡིན་པ་འདི་ནི་དེ་ཉིད་ཀྱི་ཉན་ཐོས་ཚུལ་ཁྲིམས་འཆལ་བ། སྡིག་པའི་ཆོས་ཅན་རྣམས་འབྱུང་བར་འགྱུར་ཏེ། དེ་རྣམས་ཀྱིས་ཚུལ་ཁྲིམས་དང་ལྡན་པ་རྣམས་ལ་སྐུར་པ་འདེབས་པར་འགྱུར་ཏེ་དེའི་སྔ་ལྟས་ཡིན་ནོ། །རྒྱལ་པོ་ཆེན་པོ་ཁྱོད་ཀྱིས་སྤྲེའུ་རྒྱལ་པོར་དབང་བསྐུར་བར་མཐོང་བ་གང་ཡིན་པ་དེ་ནི་དུས་དེའི་ཚེ་རྨོངས་པ་རྣམས་རྒྱལ་པོར་དབང་བསྐུར་བར་འགྱུར་ཏེ་དེའི་སྔ་ལྟས་ཡིན་ནོ། །རྒྱལ་པོ་ཆེན་པོ་ཁྱོད་ཀྱིས་རས་གཅིག་མི་བཅྭ་བརྒྱད་ཀྱིས་དྲས་ཀྱང་མ་རལ་བར་རྨི་ལམ་དུ་མཐོང་བ་གང་ཡིན་པ་དེ་ནི་དེ་ཉིད་ཀྱི་བསྟན་པ་སྡེ་བཅྭ་བརྒྱད་དུ་གྱེས་པར་གྱུར་ཀྱང་རྣམ་པར་གྲོལ་བའི་རས་ནི་རལ་བར་བྱ་བར་མི་ནུས་ཏེ་དེའི་སྔ་ལྟས་ཡིན་ནོ། །རྒྱལ་པོ་ཆེན་པོ་ཁྱོད་ཀྱིས་སྐྱེ་བོའི་ཚོགས་ཆེན་པོ་གཅིག་ཏུ་འདུས་ནས་འཐབ་པ་དང་རྩོད་པ་དང་གཡུལ་འགྱེད་པ་དང༌། མཚང་འདྲུ་བར་རྨི་ལམ་དུ་མཐོང་བ་གང་ཡིན་པ་དེ་ནི་དེ་ཉིད་ཀྱི་བསྟན་པ་རྩོད་པས་ནུབ་པར་འགྱུར་ཏེ་དེའི་སྔ་ལྟས་ཡིན་ནོ། །རྒྱལ་པོ་ཆེན་པོ་དེ་ལྟར་མི་བཟད་པ་རྣམས་མ་འོངས་པའི་དུས་ན་འབྱུང་བར་འགྱུར་རོ། །ཞེས་གསུངས་པ་ལ་ཞིབ་ཏུ་གཟིགས་ནས་བག་ཡོད་པར་བྱའོ། །དངོས་གྲུབ་དཔལ་ནས། དྲི་བ། དགེ་བཤེས་ལགས། དྲིན་ཅན་དེ་སུ་ཞིག་ཡིན་ལགས། ལན་ནི། འཇིག་རྟེན་གྱི་དབང་དུ་བྱས་ན་རང་ལ་བྱམས་བརྩེས་བསྐྱང་བའི་མི། དཔེར་ན་ཕ་མ་ལྟ་བུ། དེ་ལ་དྲིན་ལན་འཇལ་བ་ནི། ལྷག་བསམ་གྱིས་ཟས་གོས་སོགས་ཕན་ཐོགས་ལ་བརྩོན་པ། ཆོས་ཀྱི་དབང་དུ་བྱས་ན་ཐར་བའི་ལམ་ཚུལ་བཞིན་དུ་སྟོན་པའི་སློབ་དཔོན། མདོ་སྔགས་ལ་མཁས་པའི་བླ་མ་ལྟ་བུ། དེ་ལ་དྲིན་ལན་བཀའ་བཞིན་དུ་ཆོས་སྒྲུབ་པ་སོགས་ཡིན་ནོ། །དངོས་གྲུབ་དཔལ་ནས།