རྣལ་འབྱོར་སྤྱོད་པའི་དབུ་མ་འདི་ངེས་པའི་དོན་ལ་འབྱོར་བར་བསྟན་པ།

རྣལ་འབྱོར་སྤྱོད་པའི་དབུ་མ་འདི་ངེས་པའི་དོན་ལ་འབྱོར་བར་བསྟན་པ།

དེ་ནས། རྩ་བར། དབུ་མ་ངོ་བོ་ཉིད་མེད་པ་རྣམས་ཀྱི་ནང་ནས་ཀྱང་རྣལ་འབྱོར་སྤྱོད་པའི་དབུ་མ་འདི་ངེས་དོན་ལ་ལྷག་པར་འབྱོར་པར་སེམས་ཤིང༌། ཞེས་གསུངས་ཏེ། བོད་འདིར་དབུ་མ་རང་སྟོང་པ་དང༌། རྒྱ་གར་འཕགས་པའི་ཡུལ་དུ་དབུ་མ་ངོ་བོ་ཉིད་མེད་པ་ཞེས་གྲགས་པ་དེ་དག་ལས་ཀྱང་རྣལ་འབྱོར་སྤྱོད་པའི་དབུ་མ་རང་རྒྱུད་པ་འདི་ངེས་པའི་དོན་དུ་ལྷག་ཏུ་འབྱོར་བ་རེད་ཅེས་གསུངས་པ་རེད། དེ་ཡང་ངེས་དོན་གྱི་མདོའི་སྐབས་སུ་རྣ་ཤེས་ཚོགས་བརྒྱད་དང༌། ཕྱི་དོན་དུ་མ་གྲུབ་པ་དང་ཐེག་པ་ཆེན་པོའི་ཆོས་ལྔ་དང༌། མཚན་ཉིད་གསུམ་སོགས་བསྟན་པསརྣལ་འབྱོར་སྤྱོད་པའི་དབུ་མ་རང་རྒྱུད་པ་དག་དང་ཤིན་ཏུ་འབྱོར་བ་རེད་ཅེས་གསུངས་པ་རེད། དེ་ནས། རྩ་བར། རྣལ་འབྱོར་བླ་མེད་ཀྱི་རྒྱུད་རྣམས་ཀྱི་དགོངས་པའང་གཞན་སྟོང་གསལ་བ་དང༌། རང་སྟོང་གིས་ཀྱང་རྣལ་འབྱོར་སྤྱོད་པའི་དབུ་མ་འདིའི་ཕྱོགས་སུ་ལྷན་པ་ཁོ་ན་མཐོང་ངོ༌། །ཞེས་གསུངས་ཏེ། རྣལ་འབྱོར་སྔགས་བླ་མེད་རྣམས་ཀྱི་དགོངས་པ་དེ་ཡང༌། གཞན་སྟོང་གི་དགོངས་པ་རུ་གསལ་བ་ཡིན་པ་དང༌། དབུ་མ་རང་སྟོང་རྣམས་ནས་ཀྱང་རྣལ་འབྱོར་སྤྱོད་པའི་དབུ་མ་འདིའི་ཕྱོགས་སུ་ལྷན་པའམ་གཏོགས་པ་ཁོ་ན་མཐོང་ཞེས་དེ་ལྟར་གསུངས་པ་རེད། དེ་ཡང༌། འཁོར་ལོ་དང་པོའི་སྐབས་སུ་གཙོ་བོ་གང་ཟག་གི་བདག་མེད་གཏན་ལ་ཕབ་པ་དང༌། འཁོ་ལོ་བར་བའི་སྐབས་སྤྲོས་བྲལ་དུ་གཙོ་བོ་གཏན་ལ་ཕབ་པ་དང༌། འཁོར་ལོ་ཐ་མའི་སྐབས་སུ་ཆོས་ཐམས་ཅད་སེམས་ཀྱི་བདག་ཉིད་དུ་གྲུབ་པ་ལས་ཕྱི་རོལ་དོན་དུ་མ་གྲུབ་པ་དེ་ལྟར་གསུངས་པ་དེ། རྣལ་འབྱོར་སྤྱོད་པའི་དབུ་མ་འདིའི་ཕྱོགས་སུ་ལྷན་པའམགཏོགས་ཞེས་གསུངས་པ་རེད།མཛད་བྱང༌།དེ་ནས། རྩ་བར། རང་སྟོང་གཞན་སྟོང་གི་ཁྱད་པར་གསལ་ལ་གོ་བདེ་བ་ཞིག་ཡི་གེར་བྲིས་གསུངས་པ་རེ་ཞིག་དེ་ཙམ་མོ། །ཞེས་པའང་ཏཱ་ར་ནཱ་ཐས་ཕུལ་བའོ། །རྡོ་རྗེ་འཛིན་པ་ཆེན་པོ་བླ་ཆེན་བྱམས་པ་ངག་དབང་གིས་བསྐུལ་བ་ཡིན། །དགེའོ། །གཅིག་ཞུས་དགཞེས་གསུངས་ཏེ། གཞུང་འདིར་རང་སྟོང་དང་གཞན་སྟོང་གི་ཁྱད་པར་ཁ་གསལ་ལ་གོ་བདེ་བ་ཞིག་འབྲི་བར་བསྐུལ་བ་ལྟར་བྲིས་པ་རེ་ཞིག་དེ་ཙམ་གྱིས་མཇུག་རྫོགས་པར་རྗེ་བཙུན་ཏཱ་ར་ནཱ་ཐས་ཕུལ་བར་གསུངས་པ་རེད། གཞུང་འདི་རྩོམ་པར་བསྐུལ་བ་པོ་རྡོ་རྗེ་འཛིན་པ་ཆེན་པོ་བླ་ཆེན་བྱམས་པ་ངག་དབང་ཡིན་པ་རེད། དམ་པ་ཁོང་གིས་བསྐུལ་བའི་རྗེ་བཙུན་གྱི་གསུང་དུ་མ་ཡོད་པ་རེད། འདི་ཡན་ཆོད་དུ་ཚུལ་གཉིས་རྣམ་འབྱེད་ཀྱི་གཞུང་དོན་དེ་ཚིག་འགྲེལ་རགས་ཙམ་ཞིག་བྱས་པ་འདི་ལ་བརྟེན་ཏེ། ཐམས་ཅད་ཀྱིས་རང་སྟོང་དང་གཞན་སྟོང་གི་ཚུལ་གཉིས་པོ་སོ་སོ་མ་འདྲེས་པར་ལེགས་པར་ཤེས་ཏེ། རྣམ་གྲོལ་ལེགས་པའི་ལམ་དུ་འཇུག་པའི་པའི་རྒྱུར་གྱུར་ཅིག ། དགེའོ། །། །སྨྲས་པ།

ཀུན་གསལ་སྟོང་པའི་འོད་གསལ་ཆོས་ཀྱི་དབྱིངས། །ལྟ་ངན་ཆུ་འཛིན་སྟུག་པོས་བསྒྲིབས་གྱུར་པ། །ལུང་རིགས་བསྐལ་བའི་རླུང་གིས་རབ་བསྐྱོད་ནས། །གཞན་སྟོང་ཆོས་ཀྱི་འོད་སྟོང་གཟི་འོད་འབར། །ཀུན་རྟོག་ངན་པས་རང་བཟོའི་དྲི་སྤངས་ནས། །དོལ་པོ་སངས་རྒྱས་སྲས་དང་བཅས་རྣམས་དང༌། །རྗེ་བཙུན་སྒྲོལ་མགོན་བཞེད་དགོངས་ཇི་བཞིན་དུ། །ལུང་རིགས་ཞིབ་མོའི་ལེགས་བཤད་འོད་སྟོང་འབར། །ཚུལ་གཉིས་ལེགས་པར་བཤད་པའི་དགེ་ཚོགས་ཀྱིས། །ནམ་མཁའི་མཐའི་གཏུགས་གྱུར་པའི་མ་རྣམས་ཀུན། །རྫོགས་ལྡན་དམ་ཆོས་ཆོས་དབྱིངས་མྱུར་མངོན་ཞིང༌། །མཐར་ཐུག་སྐུ་བཞིའི་ས་ལ་གནས་པར་ཤོག །སྤྱན་རས་གཟིགས་མགོན་བསྟན་སྲུང་{ར་བཞེངས་པའི། །དཔལ་ལྡན་དྲཀྴད་མགོན་པོའི་འཕྲིན་ལས་ཀྱི། །ངེས་དོན་སྙིང་པོ་གསང་ཆེན་ཟབ་མོ་ཆེ། །ཕྱོགས་ཀུན་དར་རྒྱས་ཡུན་རིང་གནས་པར་མཛོད། །ཅེས་ཡོངས་ཀྱི་དགེ་བའི་བཤེས་གཉེན་རིན་པོ་ཆེ་ངག་དབང་དངོས་གྲུབ་དཔལ་བཟང་པོ་མཆོག་གི་བཀའ་ཁྲིད་༼ཚུལ་གཉིས་རྣམ་འབྱེད་ཀྱི་འཆད་ཁྲིད་ཟིན་བྲིས་ངེས་དོན་ཆོས་ཀྱི་འབྲུག་སྒྲ་༽ཞེས་བྱ་བ་འདི་ནི། དམ་པ་གང་གི་བཀའ་དྲིན་གྱིས་འཚོ་བ་གུས་སློབ་ཀུན་དགའ་བློ་གྲོས་དང༌། ཀུན་དགའ་བསྟན་འཛིན། འཇུ་གཞོན་ནུ་བཅས་ཀྱིས་ཟིན་བྲིས་སུ་བཏབ་པ་ཡིན་ཞིང༌། འདིའི་ལེགས་བྱས་ཀྱི་མཐུ་ལ་བརྟེན་ཏེ། དཔལ་ལྡན་བླ་མ་གང་ཉིད་ཀྱི་སྐུ་ཚེ་བརྟན་ཅིང་མཛད་འཕྲིན་ཕྱོགས་བཅུར་རྒྱས་པ་དང༌། མཐའ་བྲལ་གཞན་སྟོང་དབུ་མའི་ལྟ་གྲུབ་འདི་ཉིད་ཕྱོགས་དུས་ཀུན་ཏུ་དར་ཞིང་རྒྱས་ལ་ཡུན་རིང་དུ་གནས་པའི་རྒྱུར་གྱུར་ཅིག་གུ།