[༢༩] རྒྱལ་ཁང་རྩེ་བ་དཔལ་འབྱོར་རྒྱ་མཚོ།
དེའི་མཁན་བུ་རྒྱལ་ཁང་རྩེ་བ་དཔལ་འབྱོར་རྒྱ་མཚོ་ནི། མེ་ཁྱི་ལ་སྟོད་ལུང་དུ་སྐུ་འཁྲུངས། བདེ་བ་ཅན་པ་ལས་རབ་ཏུ་བྱུང་ཞིང་བསྙེན་པར་རྫོགས། སྐྱོར་མོ་ལུང་། རབ་སྟོད། རྒྱུད་སྟོད་རྣམས་ཀྱི་གྲྭ་སར་གཞུང་ལུགས་ལ་སྦྱངས་པས་འཇིགས་པ་མེད་པའི་སྤོབས་པ་ཐོབ། རབ་སྟོད་དང་། རྒྱུད་སྟོད། ཤར་རྩེའི་བླ་མ་ཡང་མཛད། ང་བདུན་པར་དགའ་ལྡན་གྱི་ཁྲིར་ཕེབས། རེ་བཞི་པ་ལ་རྒྱལ་ཁང་རྩེར་ཟུར་བཞུགས་མཛད་དེ་རྣམ་དཀར་གྱི་ཕྲིན་ལས་བསྐྱངས་ཤིང་དོན་བཞི་པ་ལ་གཤེགས་སོ། །