༣ དཀར་མོ་རྩེ་རྒྱན།
ཞྭ་མོ་འདིའི་ཚོས་གཞི་གཙོ་བོ་དཀར་བོ་ཡིན་པས་ཆ་ནས། ཕྱིས་སུ་གཡུང་དྲུང་བོན་ལ་ཞྭ་དཀར་བོན་གྱི་བསྟན་པ་ཞེས་འབོད་སྲོལ་ཡོད་ལ། ཞྭ་འདིའི་ཏོག་དང་མ་གཟུགས་ཞྭ་ཁྱུང་ལྡིང་མ་དང་འདྲ་ཞིང་། ཁྱུང་གཤོག་གི་དབྱིབས་གཟུགས་མི་ལྡན་ཞིང་། ཞྭ་མཐའ་ལ་སྐུད་པ་འཆང་ཞིང་། ཞྭ་སྟེང་དུ་གཡུང་དྲུང་དང་ཡེ་ཤེས་ཀྱི་སྤྱན་འདྲ་བ་ཞིག་བཀོད་སྲོལ་འདུག་གོ། བོན་གྱི་ཞྭ་དཀར་གྱི་ཁུངས་དང་། དཔྱད་པ། མནབ་ཚུལ། ཕན་ཡོན་སོགས་ནི་བླ་ཆེན་དྲན་པ་ནམ་མཁས་རྒྱས་པར་གསུངས་ཡོད་པས་དེར་བལྟ་བར་བྱའོ། །