གཉིས་པ་གྲིབ་མ་སོགས་ལའང་མ་གུས་པ་དགག་པ།
གཉིས་པ་གྲིབ་མ་སོགས་ལའང་མ་གུས་པ་དགག་པ་ནི།
མཆོད་རྟེན་བཤིགས་འདྲའི་སྡིག་འཇིགས་པས། །གྲིབ་མའང་བགོམ་པར་མི་བྱ་ན། །ལྷམ་དང་སྟན་དང་བཞོན་པ་སོགས། །བགོམ་མི་བྱ་བ་སྨོས་ཅི་དགོས། །ཞེས་ཉེ་བའི་མཚམས་མེད་ཀྱི་མཆོ༷ད་རྟེ༷ན་བཤི༷གས་པ་དང་འདྲ༷་བའི་སྡི༷ག་པ་ལ་འཇི༷གས་པར་བྱེད་པ༷འི་སྒོ་ནས་སྐུའི་གྲི༷བ་མ༷འ༷ང་བགོ༷མ་པ༷ར་མི༷་བྱ༷་བར་བྱེད་དགོས་ན༷་ལྷ༷མ་ད༷ང་སྟ༷ན་ད༷ང་བཞོ༷ན་པ༷་སོ༷གས་བགོ༷མ་པར་མི༷་བྱ༷་བ༷་ཡིན་པ་སྨོ༷ས་ཅི༷་དགོ༷ས་ཏེ་བཤད་མི་དགོས་སོ། །