གཞི་བདག་སྤྱི་བསང་།
གཞི་བདག་སྤྱི་བསང་བཞུགས་པའི་དབུ་ཕྱོགས་ལགས་སོ།
ཀྱཻ། གཞན་ཡང་བསང་ཞིང་མཆོད་པ་ནི། །སྟོང་གསུམ་སྟོང་གི་གཞི་བདག་བསང་། །རི་རྒྱལ་ལྷུན་པོ་ལ་སོགས་པའི།གླིང་བཞི་གླིང་ཕྲན་གཞི་བདག་བསང་། །འཁོར་ལོ་བརྩེགས་པ་ལ་སོགས་པའི། །ལུས་འཕགས་པོ་ཡི་གཞི་བདག་བསང་། །ནོར་བུ་འབར་བ་ལ་སོགས་པའི། །འཛམ་བུ་གླིང་གི་གཞི་བདག་བསང་། །པདྨ་སྤུངས་པ་ལ་སོགས་པའི། །བ་ལང་སྤྱོད་ཀྱི་གཞི་བདག་བསང་། །སྣ་ཚོགས་མཛེས་ལྡན་ལ་སོགས་པའི། །སྒྲ་མི་སྙན་གྱི་གཞི་བདག་བསང་། །ཟངས་མདོག་དཔལ་རི་ལ་སོགས་པའི། །རྔ་ཡབ་གླིང་གི་གཞི་བདག་
བསང་། །མེ་ཏོག་སྤུངས་མཛེས་ལ་སོགས་པའི། །ཨོ་རྒྱན་ཡུལ་གྱི་གཞི་བདག་བསང་། །ཀེ་ལ་ཤ་རི་ལ་སོགས་པའི།ཤམྦྷ་ལ་ཡི་གཞི་བདག་བསང་། །བྱ་རྒོད་སྤུངས་རི་ལ་སོགས་པའི། །རྒྱ་གར་ཡུལ་གྱི་གཞི་བདག་བསང་། །སེངྒེ་སྒྲ་རི་ལ་སོགས་པའི།ཟ་ཧོར་ཡུལ་གྱི་གཞི་བདག་བསང་། །རི་བོ་ཏཱ་མ་ལ་སོགས་པའི། །རི་བོར་གནས་པའི་གཞི་བདག་བསང་། །རྡོ་རྗེ་གདན་ལ་སོགས་པ་ཡི། རྒྱ་གར་གཙུག་ལག་སྲུང་མ་བསང་། །ནཱ་ལེནྡྲ་ལ་སོགས་པ་ཡི། །རྒྱ་གར་ཆོས་གྲྭའི་སྲུང་མ་བསང་། །དཔལ་གྱི་རི་ལ་སོགས་པ་ཡི། །
སྒྲུབ་གནས་སྐྱོང་བའི་གཞི་བདག་བསང་། །བསིལ་བ་ཚལ་ལ་སོགས་པ་ཡི། །དུར་ཁྲོད་གནས་པའི་གཞི་བདག་བསང་། །ཆུ་བོ་གངྒཱ་ལ་སོགས་པའི། །ཆུ་བོ་གནས་པའི་གཞི་བདག་བསང་། །འཕགས་པ་ཤིང་ཀུན་ལ་སོགས་པའི། །བལ་པོའི་ཡུལ་གྱི་གཞི་བདག་བསང་། །ལྗང་རི་སྨུག་པོ་ལ་སོགས་པའི། །ལི་ཡི་ཡུལ་གྱི་གཞི་བདག་བསང་། །ལྷ་ར་ཡོས་མཐོན་ལ་སོགས་པའི། །སྟག་གཟིག་ཡུལ་གྱི་གཞི་བདག་བསང་། །སིང་ང་སིང་རམ་ལ་སོགས་པའི། །གེ་སར་ཡུལ་གྱི་གཞི་བདག་བསང་།རི་བོ་རྩེ་ལྔ་ལ་སོགས་པའི། །རྒྱ་ནག་ཡུལ་གྱི་གཞི་བདག་བསང་། །ཅོག་ལྷ་མཚལ་རྩེ་ལ་སོགས་པའི། །ཧོར་ཡུལ་གཞི་བདག་ཐམས་ཅད་བསང་། །གཡུ་རི་སྔོན་པོ་ལ་སོགས་པའི། །འཇང་ཡུལ་གཞི་བདག་ཐམས་ཅད་བསང་། །སྤོས་རི་ངད་ལྡན་ལ་སོགས་པའི། །ཞང་ཞུང་ཡུལ་གྱི་གཞི་བདག་བསང་། །གངས་དཀར་ཏི་སེ་ལ་སོགས་པའི། །མངའ་རིས་སྐོར་གསུམ་གཞི་བདག་བསང་། །མ་ཕམ་གཡུ་མཚོ་ལ་སོགས་པའི། །མཚོ་ལ་གནས་པའི་གཞི་བདག་བསང་། །གཉན་ཆེན་ཐང་ལྷ་ལ་སོགས་
པའི། །བྱང་ཁམས་ཡུལ་གྱི་གཞི་བདག་བསང་། །གང་བ་བཟང་པོ་ལ་སོགས་པའི། ། གཙང ་གི་ཡུལ་གྱི་གཞི་བདག་བསང་། །ཇོ་མོ་ཁ་རག་ལ་སོགས་པའི། །དབུས་ གཙང ་རུ་བཞིའི་གཞི་བདག་བསང་། །ཇོ་བོ་ཕྱིང་དཀར་ཅན་ལ་སོགས། །དབུས་ཀྱི་ཡུལ་གྱི་གཞི་བདག་བསང་། །པོ་ཏ་རི་ལ་སོགས་པ་ཡི། །སྤྱི་ཤོད་ཡུལ་གྱི་གཞི་བདག་བསང་། །ལྷ་ས་བསམ་ཡས་ལ་སོགས་པའི། །བོད་ཡུལ་གཙུག་ལག་སྲུང་མ་བསང་། །ཡེར་པ་ལྷ་རི་ལ་སོགས་པའི། །བོད་ཡུལ་དབེན་གནས་གཞི་བདག་བསང་། །དཔལ་ལྡན་ས་སྐྱ་ལ་སོགས་པའི། །ཆོས་གྲྭའི་སྲུང་མའི་གཞི་བདག་བསང་། །དགེ་བསྙེན་མཁའ་རི་ལ་སོགས་པའི། །བོད་ཡུལ་གཏེར་སྲུང་གཞི་བདག་བསང་།ཡག་ལ་སེ་བོ་ལ་སོགས་པའི། །སོག་ཡུལ་གཞི་བདག་ཐམས་ཅད་བསང་། །ཡར་ལྷ་ཤམ་པོ་ལ་སོགས་པའི། །ཡར་ལུང་ཉིན་སྲིབ་གཞི་བདག་བསང་། །འོ་དེ་གུང་རྒྱལ་ལ་སོགས་པའི། །འོལ་ཁ་ཡུལ་གྱི་གཞི་བདག་བསང་། །ཤི་ཏྲི་གཉན་པོ་ལ་སོགས་པའི། །ཡར་འབྲོག་ཡུལ་གྱི་གཞི་བདག་བསང་། །རྒྱལ་ཆེན་སྐུ་མཆེད་ལ་སོགས་པའི། །
སྣ་བོ་ཡུལ་གྱི་གཞི་བདག་བསང་། །ལྷོ་བྲག་མཁར་ཆུ་ལ་སོགས་པའི། །ལྷོ་བྲག་ཡ་གསུམ་གཞི་བདག་བསང་། །ཙཱ་རི་གསར་རྙིང་ལ་སོགས་པའི། །མྱལ་ལོར་བྱར་གསུམ་གཞི་བདག་བསང་། །སྒམ་པོ་དཔལ་རི་ལ་སོགས་པའི། །དྭགས་པོའི་ཡུལ་གྱི་གཞི་བདག་བསང་། །རྒྱ་ལ་རྩེ་སྣུམ་ལ་སོགས་པའི། །ཀོང་པོའི་ཡུལ་གྱི་གཞི་བདག་བསང་། པོ་སོགས། །ཉང་པོའི་ཡུལ་གྱི་གཞི་བདག་བསང་། །བ་རོད་རྒྱལ་པོ་ལ་སོགས་པའི། །ལོང་པོའི་ཡུལ་གྱི་གཞི་བདག་བསང་། །རྡོ་རྗེ་བྲག་བཙན་ལ་སོགས་པའི། །བྲག་གསུམ་ཡུལ་གྱི་གཞི་བདག་བསང་། །ཤ་འོད་གངས་དཀར་ལ་སོགས་པའི། །སྙེ་རློད་ཡུལ་གྱི་གཞི་བདག་བསང་། །འབོང་རྗེ་ཐོད་དཀར་ལ་སོགས་པའི། །གསང་མ་རས་གསུམ་གཞི་བདག་བསང་། །རོང་ལྷ་རྒྱལ་མཚན་ལ་སོགས་པའི། །ཤོད་ཆེན་བཅོ་བརྒྱད་གཞི་བདག་བསང་། །སྔོ་བ་གཡུ་རྩེ་ལ་སོགས་པའི། །བཞད་ཡུལ་སྟོད་སྨད་གཞི་བདག་བསང་། །ཁྱུང་ཐོ་དགེ་བསྙེན་ལ་སོགས་པའི། །སྤུ་བོ་ཡུལ་གྱི་གཞི་བདག་བསང་། །ཁ་ཤ་སྙག་རི་ལ་སོགས་པའི། །མོན་
ཡུལ་གཞི་བདག་ཐམས་ཅད་བསང་། །འཛོམ་ཕྲོམ་སོ་བ་ལ་སོགས་པའི། །སྟོ་འབར་སྒང་གི་གཞི་བདག་བསང་། །ཐོ་ལ་རྨོག་འགོ་ལ་སོགས་པའི། །ཚ་བ་སྒང་སྟོད་གཞི་བདག་བསང་། །གཞོ་སྟོད་ལ་བོ་ཆེ་ལ་སོགས། །དབྱར་མོ་ཐང་གི་གཞི་བདག་བསང་། །སྐུ་རྒྱལ་ཤེ་ནེ་ལ་སོགས་པའི། །མདོ་ཁམས་སྒང་གི་གཞི་བདག་བསང་། །འབྲི་ཆེན་དང་རུ་ལ་སོགས་པའི། །འབྲི་ཀླུང་ཉིན་སྲིབ་གཞི་བདག་བསང་། །སྨར་ལྷ་ངང་འཛོམ་ལ་སོགས་པའི། །སྨར་ཁམས་སྒང་གི་གཞི་བདག་བསང་། །སྐུ་བླ་གཡུ་རྩེ་ལ་སོགས་པའི། །ཡུ་འབོར་སྒང་གི་གཞི་བདག་བསང་། །བཞག་ར་ལྷ་རྩེ་ལ་སོགས་པའི། །རབ་སྒང་ཡུལ་གྱི་གཞི་བདག་བསང་། ། གཙང ་གཉན་སྨྲི་ཏི་ལ་སོགས་པའི། ། གཙང ་ཁ་ཡུལ་གྱི་གཞི་བདག་བསང་། །མུ་སྟོ་ལྷ་གཉན་ལ་སོགས་པའི། །རྒྱལ་མོ་རོང་གི་གཞི་བདག་བསང་། །རོང་བཙན་ཁ་བ་དཀར་པོ་སོགས། །ཚ་བ་སྒང་སྨད་གཞི་བདག་བསང་། །བྱ་དམར་བྱེ་རི་ལ་སོགས་པའི། །ཨ་ཐང་རོང་གི་གཞི་བདག་བསང་། །རྡོ་ཐི་གངས་དཀར་ལ་སོགས་པའི། །གནས་དྲུག་ཡུལ་གྱི་གཞི་བདག་
བསང་། །གེར་མཛོ་རི་དམར་དབང་གཞུ་སོགས། །ཀྲེ་ཧོར་གླིང་གསུམ་གཞི་བདག་བསང་། །སྐྱོགས་ཆེན་གདོང་ར་ལ་སོགས་པའི། །འདན་ཡུལ་གཞི་བདག་ཐམས་ཅད་བསང་། །རྨ་གཉན་སྤོམ་ར་ལ་སོགས་པའི། །རྨ་ཆུ་ཉིན་སྲིབ་གཞི་བདག་བསང་། །ཆབ་ལ་རྫོང་ཕྲོམ་ལ་སོགས་པའི། །འབེ་ལུང་ས་བདག་ཐམས་ཅད་བསང་། །རྡོ་རྗེ་དཔའ་བརྟན་ལ་སོགས་པའི། །འབའ་ལི་རྒྱས་གསུམ་གཞི་བདག་བསང་། །རྩི་ཡི་དཔའ་རྒོད་ལ་སོགས་པའི། །རྩི་ཡི་ས་བདག་ཐམས་ཅད་བསང་། །ཇོ་བོ་འཛི་རྒྱལ་ལ་སོགས་པའི། །ལྕི་ངོམ་འཛི་གསུམ་གཞི་བདག་བསང་། །དགེ་བསྙེན་བྱང་གྲགས་ལ་སོགས་པའི། །ཆབ་མདོའི་ཡུལ་གྱི་གཞི་བདག་བསང་། །སྤྲེ་ནེ་རི་བཀྲ་ལ་སོགས་པའི། །སྟ་འབྱང་རྒྱང་གསུམ་གཞི་བདག་བསང་། །མོ་ནོམ་མཆེད་གསུམ་ལ་སོགས་པའི། །ལྕགས་ཤིང་རྫུ་ཡི་གཞི་བདག་བསང་། །དབང་ལྷ་དབང་ཕྲོམ་ལ་སོགས་པའི།ནག་སོགས་ཆུ་རྒྱུད་དགེ་བསྙེན་བསང་། །གཞན་ཡང་བསྟན་ལ་མངོན་རྒྱས་པའི། །དཀར་ཕྱོགས་སྐྱོང་བའི་གཞི་བདག་བསང་། །མིང་ནས་མ་ཐོས་པ་གསུམ་ན། །རྒྱུ་བའི་
དགེ་བསྙེན་གཞི་བདག་བསང་། །སློབ་དཔོན་བརྒྱུད་དང་ཕ་མྱེས་རྒྱུད། །ཚེ་རབས་གཏན་གྱི་སྲུང་མ་བསང་། །སྔོན་བསུ་རྒྱབ་སྐྱེལ་འབྲལ་མེད་སྐྱོང་།ཟབསྟེན་ཅིང་འགོ་བའི་སྲུང་མ་བསང་། །ལེགས་དང་སྤྱོད་ལ་ཉེས་སེལ་བར། །བསམ་པ་འགྲུབ་པའི་དགྲ་ལྷ་བསང་། །སྡང་ཞིང་གདུག་པའི་སེམས་ལྡན་པའི། །མི་དང་མི་མིན་ཐམས་ཅད་བསང་། །རིགས་དྲུག་སྙིང་རྗེའི་མགྲོན་རྣམས་དང་། །གདོན་བགེགས་འབྱུང་པོའི་ཚོགས་རྣམས་བསང་། །ཡུལ་འདིའི་གཡས་གཡོན་མདུན་རྒྱབ་རི། །རི་བྲག་ཆུ་ཤིང་ས་རྡོ་ལམ། །གནས་པའི་ལྷ་ཀླུ་བཙན་བདུད་རྨུ། །ས་བདག་གཤིན་རྗེ་གཟའ་རྒྱལ་པོ། །མ་མོ་ཐེའུ་རང་འབྱུང་པོའི་ཚོགས། །སྡེ་དཔུང་བྲན་གཡོག་བཅས་པ་བསང་།དེ་ལྟར་མགྲོན་རིགས་ཐམས་ཅད་ཀྱིས། །བསང་དང་མཆོད་པ་འདི་བཞེས་ལ། །སངས་རྒྱས་བསྟན་པ་རྒྱས་པ་དང་། །འཇིག་རྟེན་ཁམས་རྣམས་ཐམས་ཅད་དུ། །ཆར་ཆུ་དུས་འབབ་ལོ་འབྲས་ལེགས། །མི་ནོར་ཕྱུགས་རྣམས་བདེ་སྐྱིད་ལྡན། །འགལ་རྐྱེན་ཀུན་སོལ་མཐུན་རྐྱེན་སྒྲུབས། །གཞི་ལམ་བྱེས་གསུམ་བདེ་ལེགས་མཛོད། །སྔོན་བསུ་རྒྱབ་
སྐྱེལ་འཇིགས་ལས་སྒྲོལ། །ཉིན་མཚན་དུས་ཀུན་སྲུང་སྐྱོབ་མཛོད། །ནད་གདོན་བར་ཆད་ཞི་བ་དང་། །ཚེ་དང་བསོད་ནམས་དཔལ་འབྱོར་རྒྱས། །སྲིད་གསུམ་མ་ལུས་དབང་།སྡུད་ཅིང་། །དགྲ་བགེགས་ཐལ་བ་རྡུལ་དུ་རློགས། །མདོར་ན་བདག་གིས་གང་བཅོལ་བའི། །ཕྲིན་ལས་ཐོགས་མེད་བསྒྲུབ་པར་མཛོད། །ཨ་རཱ་གས་སོ། །དགེའོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།