དང་པོ་རྣམ་དག་ཆོས་ཉིད་ཀྱི་ཕུང་པོ་ལྔ་རྒྱལ་བ་ལྔ་དང་ཡེ་ཤཻས་ལྔར་རྟག་ཏུ་བཞུགས་ཚུལ།
དང་པོ་རྣམ་དག་ཆོས་ཉིད་ཀྱི་ཕུང་པོ་ལྔ་རྒྱལ་བ་ལྔ་དང་ཡེ་ཤཻས་ལྔར་རྟག་ཏུ་བཞུགས་ཚུལ་ནི།
རྣམ་པར་དག་པའི་གཞི་གཟུགས་ཀྱི་ཕུང་པོ་གདོད་ནས་བཞིན་གྱིས༢་རྣམ་པར་དག་པའམ་གདོད་ནས་རང་བཞིན་གྱིས༢རྣམ་པར་དག་པའི་གཟུགས་ཀྱི་ཕུང་པོ་མཁའ་ཁྱབ༧གང་ཡིན་པ་དེ་ནི་དོན་དམ་ཡེ་ཤེས་ཀྱི་ལྷ་༧རྣམ་པར་སྣང་མཛད་ཡིན་ཏེ་དེ་ཡང་མེ་ལོང་ཡེ་ཤེས་སོ། །དེ་ལྟར་གཤིས་ལ་གནས་པའི་ཆོས་ཉིད་ལ་སྤངས་རྟོགས་རང་བཞིན་པ་ཚང་ཞིང་ཚོགས་གཉིས་རང་བཞིན་པ་གདོད་ནས་རྫོགས་པའི་ཕྱིར་དང་པོའི་སངས་རྒྱས་ཏེ་དེ་ནམ་ཡང་གང་ནའང་ཁྱབ་པར་བཞུགས་ཀྱང་རླུང་སེམས་མ་འགགས་པ་རྣམས་ཀྱིས་མ་ཐོབ་པས་དེ་ཐོབ་པ་ལ་རླུང་སེམས་ཀྱི་རྒྱུན་འདི་ངེས་པར་འགག་དགོས་སོ་ཕྱི་མ་རྣམས་སུ་ཡང་དེ་བཞིན་དུ་དྲན་དགོས་སོ་རྣམ་པར་དག་པའི་ཚོར་བ་དང༌། འདུ་ཤེས་དང༌། འདུ་བྱེད་དང༌། རྣམ་པར་ཤེས་པའི་ཕུང་པོ་རྣམས་ཀྱང་གྲངས་བཞིན་དུ་རང་བྱུང་ཡེ་ཤེས་དོན་དམ་གྱི་ལྷ་རིན་ཆེན་འབྱུང་ལྡན་མཁའ་ཁྱབ་དང༌།སྣང་བ་མཐའ་ཡས་དང༌། དོན་ཡོད་གྲུབ་པ་དང༌།མི་བསྐྱོད་པ་རྣམས་ཡིན་ཏེ། དེ་རྣམས་ཀྱང་རིམ་པ་ལྟར་མཉམ་པ་ཉིད་དང་སོ་སོར་རྟོག་པ་༧དང་བྱ་བ་གྲུབ་པ་དང་ཤིན་ཏུ་རྣམ་པར་དག་པའི་ཆོས་ཀྱི་དབྱིངས་ཀྱི་ཡེ་ཤེས་རྣམས་སོ། །