གཉིས་པ་ངག་གིས་བསྙེན་བཀུར་བའི་ཁྱད་པ།
གཉིས་པ་ངག་གིས་བསྙེན་བཀུར་བའི་ཁྱད་པར་ནི།
དེ་ཡི་མཚན་སྨོས་བརྗོད་ན་ནི། །མིང་མཐར་ཞལ་སྔར་ལྡན་པས་བྱ། །གཞན་དག་གུས་པར་བྱ་བའི་ཕྱིར། །ཁྱད་པར་གྱི་ནི་ཚིག་ཀྱང་བརྗོད། །ཅེས་བླ་མ་དེ༷་ཡི༷་མཚ༷ན་ནས་སྨོ༷ས་ཏེ་བརྗོ༷ད་པའི་ཚེ་ན༷་ནི༷་མི༷ང་མཐ༷ར་ཞ༷ལ་སྔ་ནས་ཞེས་པ་ལྡ༷ན་པ༷ས་བརྗོད་པར་བྱ༷འོ། །བཀུར་བའི་ཚིག་གཞན་ཡང་བརྗོད་པར་བྱ་སྟེ། གཞ༷ན་ད༷ག་བླ་མ་ལ་གུ༷ས་པ༷ར་བྱ༷་བ༷འི་ཕྱི༷ར་ཁྱ༷ད་པ༷ར་གྱི༷་ནི༷་རྗེ་བཙུན་བླ་མ་དམ་པའམ་མཚན་བརྗོད་པར་དཀའ་བ་དོན་གྱི་སླད་དུ་མཚན་ནས་སྨོས་ན་ཁྱབ་བདག་རྡོ་རྗེ་འཆང་ཆེན་པོ་རྗེ་སྒྲོལ་བའི་མགོན་པོ་ཞེས་པ་ལྟ་བུའི་ཚི༷ག་ཀྱ༷ང་བརྗོ༷ད་པར་བྱའོ། །