༦ རྨོག་ཞྭ།
རྨོག་ཞྭ་ནི། གཡུལ་འཁྲུག་གི་སྐབས་སུ། མགོ་བོ་སྲུང་སྐྱོབ་ཀྱི་ཆེད་དུ་གྱོན་པའི་ལྕགས་ཞྭ་ཞིག་ཡིན་ལ། དེ་ལ་དར་ཕྲུ་ཡོད་མེད་ཅི་རིགས་ཡོད། ཆོས་རྒྱལ་ཚོའི་སྐུ་རིང་ལ་རྨོག་གྱོན་ཏེ་གཡུལ་འཐབ་གནང་བ། དེ་ལ་གཟུངས་སྔགས་དང་ཕྱག་རྒྱ་སྣ་ཚོགས་ཀྱིས་མཚོན་སྲུང་ཡང་བྲིས་ཡོད་པ་མང་བ་ལོ་རྒྱུས་དེབ་ཐེར་དུ་གསལ་ལ། དེང་སང་ཡང་ནོར་བུ་གླིང་ཁར་སྲོང་བཙན་གྱི་རྨོག་ཡིན་ཞེས་ཉར་ཚགས་བྱས་པ་ཞིག་ཀྱང་ཡོད་པར་མ་ཟད། གླིང་གི་དཔའ་རྟུལ་ཚོའི་རྨོག་ཡིན་ཞེས་དགོན་སྡེ་ཁག་ན་མཇལ་རྒྱུ་མང་དུ་ཡོད་།