གཉིས་པ་ཆོས་ཉན་པ་སོགས་ང་རྒྱལ་སྤང་བ།
གཉིས་པ་ཆོས་ཉན་པ་སོགས་ང་རྒྱལ་སྤང་བ་ནི།
མདུན་དུ་དུལ་བར་འདུག་པ་དང༌། །གོས་སོགས་ཚུལ་བཞིན་བསྡམས་པ་དང༌། །པུས་བཙུགས་ཐལ་མོ་སྦྱར་བ་ཡིས། །མཉན་སོགས་འདོད་ལ་གསོལ་གསུམ་གདབ། །ཅེས་བླ་མའི་མདུ༷ན་དུ༷་ལུས་ངག་གི་སྤྱོད་པ་ཞི་ཞིང་དུ༷ལ་བ༷ར་འདུ༷ག་པ༷་ད༷ང་གོ༷ས་ལེགས་པར་བགོས་པ་སོགས་ཚུལ་མཐུན་བཞིན་བྱས་ནས་དབང་པོའི་སྒོ་བསྡ༷མས་པ༷་ད༷ང༌། པུ༷ས་མོ་ས་ལ་བཙུ༷གས་ནས་ལག་ཐ༷ལ་མོ༷་སྦྱ༷ར་བ༷་ཡི༷ས་ཆོས་མཉ༷ན་པ་དང་དབང་དང་སྡོམ་པ་ལ་སོ༷གས་པ་འདོད་པའི་སློབ་མ་དེས་བླ་མ་ལ༷་གསོ༷ལ་བ་ལན་གསུ༷མ་གད༷བ་པར་བྱས་ནས་ཆོས་མཉན་པ་སོགས་བྱའོ། །