གཉིས་པ་རྟོག་མེད་བཤད་པ།
གཉིས་པ་རྟོག་མེད་བཤད་པ་ལ།
རྣམ་འགྲེལ་ལས། གསལ་བར་སྣང་བ་ཅན་བློ་གང༌། །དེ་ནི་དེ་ལ་རྟོག་མེད་འདོད། །ཅེས་དང༌། མངོན་སུམ་ལེའུ་ལས། རྟོག་པའི་དྲ་བ་རྣམ་བསལ་བས། །གསལ་བ་ཉིད་དུ་སྣང་བ་ཡིན། །ཞེས་པའི་གཞུང་འདི་དག་བྱུང༌། རང་ཡུལ་གསལ་བར་སྣང་བའི་བློ་དེ་རྟོག་མེད་ཤེས་པའི་མཚན་ཉིད་ཡིན་ཏེ། གཏན་ཚིགས་རིགས་པའི་དོན་བསྡུས་ལས། རང་ཡུལ་གྱི་རྣམ་པ་གསལ་བར་སྣང་བའི་བློའོ། །ཞེས་གསུངས་པའི་ཕྱིར། དེ་ལ་དབྱེ་ན། མངོན་སུམ་དང༌། མེད་པ་གསལ་སྣང་ཅན་གྱི་རྟོག་མེད་ལོག་ཤེས་གཉིས་ཡོད་དོ། །