བརྒྱད་པ་རང་དབང་མི་འཇུག་པ།
བརྒྱད་པ་རང་དབང་མི་འཇུག་པ་ནི།
གཞན་དོན་ལ་འཇུག་པའི་ཚེ་གནང་བ་ནོད་པ་དང༌། ཞུགས་པ་ལས་བྱུང་བའི་རྙེད་པ་བསྟབ་པ་དང༌། བླ་མའི་སྤྱན་སྔར་གཞན་གྱི་བསྙེན་བཀུར་བདག་ཏུ་མི་བྱ་བ་དང༌། ལུས་ཀྱི་སྤྱོད་ལམ་ཆེས་གུས་པར་བྱེད་ཚུལ་དང་བཞི། དང་པོ་ནི།རབ་གནས་དཀྱིལ་འཁོར་སྦྱིན་སྲེག་དང༌། །སློབ་མ་སྡུད་དང་འཆད་པ་རྣམས། །ཡུལ་དེར་བླ་མ་གནས་པ་ན། །རྗེས་མ་གནང་བར་མི་བྱའོ། །ཞེས་རྟེན་ལ་ར༷བ་གན༷ས་བྱ་བ་དང་དཀྱི༷ལ་འཁོ༷ར་ཞལ་འབྱེད།དེ་དག་དང་འབྲེལ་བའི་སྦྱི༷ན་སྲེ༷ག་བཞི་སོ་སོ་ད༷ང༌།རང་གིས་འཁོར་དུ་སློ༷བ་མ༷་ཟང་ཟིང་གིས་སྡུ༷ད་པ་ད༷ང་ཆོས་འཆ༷ད་པ༷་རྣ༷མས་བླ་མས་མཛད་པའི་སྤྱོད་ཡུ༷ལ་ཞིག་གི་ས་ཁོངས་དེ༷ར་བླ༷་མ༷་གན༷ས་པ༷་ན༷་གྱིས་ཤིག་རྗེ༷ས་སུ་མ༷་གན༷ང་བ༷ར་མི༷་བྱ༷འོ། །